Ýkraina IIM sarapshylary Iranda «Ýkraina halyqaralyq áýe jelisi» ushaǵynyń apatqa ushyraýy saldarynan qaza tapqan barlyq 11 azamatynyń DNK-profilin aldy. Múrdelelerdi Ýkrainaǵa berýge daiyndyq júrgizilip jatyr, – dep habarlaidy Ýkrinform Ýkraina Ishki ister ministrligine silteme jasap.
«Tegeranda júrgen IIM sarapshylary búgin Ýkrainanyń qaza tapqan barlyq 11 azamaty súieginen DNK-profil aldy. Munan ary Ýkrainaǵa berýge daiyndyq júrgizilip jatyr» del3ngen habarlama, - delingen habarlamada.
Aldyn ala málimetterge qaraǵanda, qaza tapqan 11 adamnyń múrdesin 2020 jyldyń 19 qańtaryna deiin berý josparlanyp otyr. Ýkraina Ishki ister ministrliginiń 2 sarapshy-genetigi qaza tapqandardy sáikestendirý aiaqtalǵanǵa deiin Tegeranda qalady.
Buǵan deiin Ýkrainanyń Ulttyq politsiiasynyń tergeýshileri el Ishki ister ministrligi sarapshylarynyń qatysýymen Tegerandaǵy ushaq apatynan qaza tapqan ýkraindyqtardyń týystarynan DNK úlgisin jinaǵan bolatyn.
Al IRNA agenttiginiń habarlaýynsha, Iran Syrtqy ister ministri Mohammad Djavad Zarif Ýkraina Syrtqy ister ministri Vadim Pristaikomen telefon arqyly sóilesý barysynda Tegerannyń Kievke ýkraindyq Boeing-737-800 áýe kemesiniń apatqa ushyraýynan qaza tapqandardyń múrdesin berýge daiyn ekendigin aitqan. Sonymen qatar ol qara jáshiktegi jazbalardyń mán-jaiyn ashýǵa ýkrainalyq mamandyqtardy tartýǵa daiyn ekendikterin bildirgen.
Eske salaiyq , sársenbi, 8 qańtarda Tegeran ýaqytymen 6:00-de Imam Homeini atyndaǵy áýejaidan Tegeran-Kiev baǵytymen ushqan «Ýkraina halyqaralyq áýe jelileri» áýe kompaniiasynyń Boeing-737 ushaǵy apatqa ushyrady. Ushaq bortynda 177 adam bolǵan: 168 jolaýshy men 9 ekipaj múshesi. Onyń ishinde Irannyń – 82, Kanadanyń - 63, Ýkrainanyń - 2 + 9 (ekipaj), Shvetsiianyń – 10, Aýǵanstannyń – 4, GFR-dyń – 3, Ulybritaniianyń 3 azamaty boldy. Olardyń barlyǵy qaza tapty. «Ýkrainanyń halyqaralyq áýe jelileri» ushaǵynyń apatqa ushyraýyna bailanysty jaýapkershilikti Irannyń áskeri-saiasi qurylymy «Islam revoliýtsiialyq ulandar korpýsy» óz moinyna aldy.
