Er-Riiad óz barlaý qyzmetiniń Iran Saýd Arabiiasy aýmaǵyndaǵy nysandarǵa shabýyldaityny týraly málimetin Vashingtonǵa tapsyrdy. Taiaý Shyǵystaǵy amerikalyq jáne basqa da kúshter shabýyldy toitarýǵa daiyndalyp jatyr.
Bul týraly The Wall Street Journal Saýd Arabiiasy men Qurama Shtattardaǵy derekkózderge silteme jasai otyryp habarlady.
Buǵan deiin Iran barlaý ministrligi men Islam revoliýtsiiasy saqshylar korpýsynyń barlaý uiymy AQSh, Ulybritaniia, Izrail jáne Saýd Arabiiasynyń barlaý qyzmetterin belsendi "Mahsa Amini ólimine qatysty narazylyq sherýlerin josparlady, ony júzege asyrdy" dep aiyptaǵan.
Saýd Arabiiasynyń resmi ókilderiniń málimdeýinshe, Iran Saýd Arabiiasyna, sonymen birge Iraktyń Kúrdistanyndaǵy Erbilge shabýyl jasaýdy josparlaǵan. Tegeran qoǵam nazaryn ishki narazylyqtan basqa jaqqa aýdartý úshin osyndai áreketke barmaq.
"AQSh, Saýd Arabiiasy jáne aimaqtaǵy basqa da elder qarýly kúshteriniń daiyndyǵyn pysyqtai tústi", dep jazdy The Wall Street Journal.
Sondai-aq, áleýmettik jelilerde Irannyń Kým qalasyndaǵy Djamkaran meshitiniń kúmbezi men Shiraz qalasyndaǵy meshit kúmbezi ústinde qyzyl tý kóterilgeni túsirilgen kadrlar tarap jatyr. Bul kek alý nietin bildiredi.
Ótken aida Islam revoliýtsiiasy saqshylar korpýsy qolbasshysynyń orynbasary Saýd Arabiiasynan Irandaǵy narazylyq týraly aqparat taratýdy shekteýdi talap etken. "Bul - bizdiń sońǵy eskertýimiz, óitkeni sender bizdiń ishki isimizge BAQ arqyly aralasyp otyrsyńdar", - degen general-leitenant Hossein Salami Irannyń Shyǵys Ázerbaijan provintsiiasyndaǵy áskeri jattyǵýlar kezinde.
Aita keteiik, Iranda bir jarym aidan astam ýaqyttan beri 22 jastaǵy Mahsa Aminidiń ólimine bailanysty narazylyq aktsiialary ótip jatyr. Aktsiiaǵa qatysýshylar qyzdyń ólimine politseilerdi kinálaidy. Narazylyqty basý kezinde Iran politsiiasy qarý qoldandy, 200-den astam adam qaza bolǵan, myńnan astam adam ustalǵan.
Eske salaiyq, Iranda sońǵy ret qyzyl tý 2020 jyldyń qańtarynda kóterilip, "Ál-Qýds" arnaiy kúshteriniń qolbasshysy Kasem Súleimani óltirilgen bolatyn. Birneshe kúnnen keiin Iran AQSh-tyń Iraktaǵy eki nysanyna: eldiń batysyndaǵy "Ain-ál-Asad" áýe bazasy men soltústigindegi Erbil provintsiiasyndaǵy aerodromǵa soqqy berdi.
One more war? 🤔
— Captain Black Sea (@CaptainBlackSe1) November 1, 2022
The Iranian Red flag of revenge were raised above the dome of the Jamkaran Mosque in the city of Qom and the dome of the Mosque in Shiraz, Iran. pic.twitter.com/lSNnBSD0P0
