Iran Qarýly kúshteriniń Bas shtaby Ibrahim Raisi mingen tikushaqtyń apatqa ushyraýyna qatysty qorytyndy esep jariialap, apattyń negizgi sebebin atady, dep habarlaidy RIA Novosti.
"Tikushaqtyń apatqa ushyraýynyń negizgi sebebi óńirdegi kóktemgi maýsymdaǵy klimattyq jaǵdailardyń kúrdeliligi, qalyń tumannyń kenetten paida bolýy boldy. Sonyń saldarynan áýe kemesi taýmen soqtyǵysty", - dep jazady agenttik Iran QK Bas shtabynyń esebin.
Esterińizge sala keteiik, mamyr aiynyń ortasynda Iranda el prezidenti Ibrahim Raisi men syrtqy ister ministri Hossein Amir-Abdollahiian otyrǵan tikushaq apatqa ushyraǵany.
Keme 10 saǵattan astam izdelip, apat orny men tikushaq synyqtary tek 20 mamyrda tabylǵan. Keiin Iranda tikushaq bortynda bolǵan barlyq adam qaza tapqany resmi túrde rastaldy. Prezident ákimshiliginiń basshysy Golamhosein Ismaili prezident kolonnasyna tiesili úsh tikushaqtyń birinde bolǵanyn aitqan. 23 mamyrda Ibrahim Raisi óziniń týǵan qalasy Meshhedte, eldiń soltústik-shyǵysynda jerlendi.
.jpg)