يران قارۋلى كٷشتەرٸنٸڭ باس شتابى يبراحيم رايسي مٸنگەن تٸكۇشاقتىڭ اپاتقا ۇشىراۋىنا قاتىستى قورىتىندى ەسەپ جارييالاپ, اپاتتىڭ نەگٸزگٸ سەبەبٸن اتادى, دەپ حابارلايدى ريا نوۆوستي.
"تٸكۇشاقتىڭ اپاتقا ۇشىراۋىنىڭ نەگٸزگٸ سەبەبٸ ٶڭٸردەگٸ كٶكتەمگٸ ماۋسىمداعى كليماتتىق جاعدايلاردىڭ كٷردەلٸلٸگٸ, قالىڭ تۇماننىڭ كەنەتتەن پايدا بولۋى بولدى. سونىڭ سالدارىنان ەۋە كەمەسٸ تاۋمەن سوقتىعىستى", - دەپ جازادى اگەنتتٸك يران قك باس شتابىنىڭ ەسەبٸن.
ەستەرٸڭٸزگە سالا كەتەيٸك, مامىر ايىنىڭ ورتاسىندا يراندا ەل پرەزيدەنتٸ يبراحيم رايسي مەن سىرتقى ٸستەر مينيسترٸ حوسسەين امير-ابدوللاحييان وتىرعان تٸكۇشاق اپاتقا ۇشىراعانى.
كەمە 10 ساعاتتان استام ٸزدەلٸپ, اپات ورنى مەن تٸكۇشاق سىنىقتارى تەك 20 مامىردا تابىلعان. كەيٸن يراندا تٸكۇشاق بورتىندا بولعان بارلىق ادام قازا تاپقانى رەسمي تٷردە راستالدى. پرەزيدەنت ەكٸمشٸلٸگٸنٸڭ باسشىسى گولامحوسەين يسمايلي پرەزيدەنت كولونناسىنا تيەسٸلٸ ٷش تٸكۇشاقتىڭ بٸرٸندە بولعانىن ايتقان. 23 مامىردا يبراحيم رايسي ٶزٸنٸڭ تۋعان قالاسى مەشحەدتە, ەلدٸڭ سولتٷستٸك-شىعىسىندا جەرلەندٸ.
.jpg)