Iran Densaýlyq saqtaý ministriniń orynbasary Iradj Harirchi koronavirýs juqtyrǵany belgili boldy, dep habarlaidy IRNA agenttigi.
«Koronavirýs juqtyrǵanymdy habarlaǵym keledi. Kesheden beri qyzýym kóterildi, alǵashqy saraptama oń nátije kórsetti», - dep málimdedi Harirchi seisenbi kúni. Ol emdelýdi bastaǵanyn jáne qyzýynyń túsip jatqanyn atap ótti.
Sondai-aq, Iran Densaýlyq saqtaý ministrliginiń ókili Kianýsh Djahanpýr koronavirýstyń jańa túrinen kóz jumǵandar sany 15-ke jetip, taǵy 35 indet juqtyrǵan adam tirkelgenin habarlady.
