"Iran-Irak shekarasyndaǵy kúshti jer silkinisinen qaza tapqandar sany 164 adamǵa jetip, jaralanǵandar sany 1600-den asyp ketti" dep habarlady Iran ishki ister ministrligi. Vedomstvonyń 13 qarashada taratqan aqparatyna qaraǵanda, qýaty 7,3 magnitýdaǵa jetken zilzaladan Kermanshah provintsiiasy eń kóp zardap shekken. Zilzala dúmpýi Túrkiiadan Kýveitke deiingi aimaqta sezilgen.
AQSh Geologiialyq qyzmetiniń habarlaýynsha, zilzala oshaǵy Iraktyń soltústik-shyǵysyndaǵy Halabdja qalasynan ońtústik-batysqa qarai 32 kilometr qashyqtyqta, jerdiń 33,9 kilometr tereńdiginde tirkelgen. Tegeran ýniversitetiniń seismologiialyq ortalyǵy aqparatyna qaraǵanda, zilzala jergilikti ýaqyt boiynsha saǵat 21:48-de bolǵan.
Irannyń resmi aqparat agenttigi jergilikti sheneýnikke silteme jasap, zilzala qurbandarynyń sany artýy múmkin ekenin habarlady. Iran biligi tótenshe jaǵdailar qyzmeti qutqarý jumystaryna 13 qarasha tań ata kiriskenin habarlady.
