Iran biligi Resei jýrnalisi, orys tilinde jaryq kórgen "Nevesty Allaha" ("Allah qalyńdyqtary" - red.) kitabynyń avtory Iýliia Iýzikti bosatty. Tegerandaǵy Resei elshiligi jýrnalistiń Irannan Máskeýge ushyp ketkenin habarlady.
Iran Islam revoliýtsiiasy saqshylary Iýzikti 4 qazanda qonaq úide ustaǵan. Jýrnalist Boris Voitsehovskiidiń sózinshe, ony "Izraildiń arnaiy qyzmet ókilderimen áriptestik ornatty" dep aiyptaǵan.
-Iran Islam revoliýtsiiasy saqshylary qonaq úi bólmesiniń esigin buzyp kirdi. Máskeýge habarlasýǵa keshe (8 qazan - red.) ǵana ruqsat berdi, bir minýt qana sóilestirdi",- deidi Voitsehovskii.
7 qazanda Iran biliginiń resmi ókili Áli Rabii Iýliia Iýzikti tyńshylyq emes, vizalyq máselelerge bailanysty ustaǵanyn habarlady.
Iýliia Iýzik Reseidiń Rostov oblysynda 1981 jyly týǵan. Soltústik Kavkazdyń "ózin-ózi jarǵan" eki qyzy týraly "Nevesty Allaha" atty kitaby jaryq kórgennen keiin tanymal bolǵan.
2016 jyly memlekettik dýmaǵa "PARNAS" partiiasy atynan kandidatýrasyn usynǵan. Jýrnalist Kavkazda da qoǵamdyq jobalarmen ainalysady.
