يران بيلٸگٸ رەسەي جۋرناليسٸ, ورىس تٸلٸندە جارىق كٶرگەن "نەۆەستى اللاحا" ("اللاح قالىڭدىقتارى" - رەد.) كٸتابىنىڭ اۆتورى يۋلييا يۋزيكتٸ بوساتتى. تەگەرانداعى رەسەي ەلشٸلٸگٸ جۋرناليستٸڭ يراننان مەسكەۋگە ۇشىپ كەتكەنٸن حابارلادى.
يران يسلام رەۆوليۋتسيياسى ساقشىلارى يۋزيكتٸ 4 قازاندا قوناق ٷيدە ۇستاعان. جۋرناليست بوريس ۆويتسەحوۆسكييدٸڭ سٶزٸنشە, ونى "يزرايلدٸڭ ارنايى قىزمەت ٶكٸلدەرٸمەن ەرٸپتەستٸك ورناتتى" دەپ ايىپتاعان.
-يران يسلام رەۆوليۋتسيياسى ساقشىلارى قوناق ٷي بٶلمەسٸنٸڭ ەسٸگٸن بۇزىپ كٸردٸ. مەسكەۋگە حابارلاسۋعا كەشە (8 قازان - رەد.) عانا رۇقسات بەردٸ, بٸر مينۋت قانا سٶيلەستٸردٸ",- دەيدٸ ۆويتسەحوۆسكيي.
7 قازاندا يران بيلٸگٸنٸڭ رەسمي ٶكٸلٸ ەلي رابيي يۋلييا يۋزيكتٸ تىڭشىلىق ەمەس, ۆيزالىق مەسەلەلەرگە بايلانىستى ۇستاعانىن حابارلادى.
يۋلييا يۋزيك رەسەيدٸڭ روستوۆ وبلىسىندا 1981 جىلى تۋعان. سولتٷستٸك كاۆكازدىڭ "ٶزٸن-ٶزٸ جارعان" ەكٸ قىزى تۋرالى "نەۆەستى اللاحا" اتتى كٸتابى جارىق كٶرگەننەن كەيٸن تانىمال بولعان.
2016 جىلى مەملەكەتتٸك دۋماعا "پارناس" پارتيياسى اتىنان كانديداتۋراسىن ۇسىنعان. جۋرناليست كاۆكازدا دا قوعامدىق جوبالارمەن اينالىسادى.
