Iraktan oralǵan tul jetim sábidiń ájesi tabyldy. QR Bilim jáne ǵylym ministriniń balalar quqyǵy jónindegi keńesshisi Raisa Sher aitty, dep habarlaidy "Ult aqparat".
Aita keterligi, Raisa Sher Nur-Sultan qalasynyń qiyn jaǵdaiǵa tap bolǵan balalardy qoldaý ortalyǵynda Iraktan jetkizilgen balalardyń jai-kúiin BAQ ókilderine tanystyrǵan bolatyn.
Tanystyrý barysynda tilshilerdiń saýalyna orai ol tul jetim sanalǵan bir balanyń týysy tabylǵandyǵyn atap ótti.
Al QR Syrtqy ister ministrliginiń ekinshi hatshysy Daniiar Baibekov ol balanyń ájesi ekendigin naqtylady.
«Onyń ájesi bar jáne Qazaqstanda júrgizilgen genomdyq saraptama týystyǵyn dáleldedi. Áiel atalǵan balanyń biologiialyq ájesi sanalady», - dedi D.Baibekov.
Iraktan jetkizilgen 14 bala áleýmettendirilip, ońaltýdan ótip jatqan mekeme qazirgi ýaqytta karantinge jabylǵan. Sebebi balalardyń birinnen juqpaly aýrý tabylǵan.
«Balalar osy jerge jetkizilgennen keiin 15 meditsina mamany olardy juqpaly aýrýlarǵa tekserý júrgizdi. Qazirgi ýaqytta karantin jariialanǵan. Sebebi bir bala skarlatinamen aýyrǵan jáne ol qazirgi ýaqytta meditsina mekemesinde jatyr», - dedi Raisa Sher.
