يراكتان ورالعان تۇل جەتٸم سەبيدٸڭ ەجەسٸ تابىلدى. قر بٸلٸم جەنە عىلىم مينيسترٸنٸڭ بالالار قۇقىعى جٶنٸندەگٸ كەڭەسشٸسٸ رايسا شەر ايتتى, دەپ حابارلايدى "ۇلت اقپارات".
ايتا كەتەرلٸگٸ, رايسا شەر نۇر-سۇلتان قالاسىنىڭ قيىن جاعدايعا تاپ بولعان بالالاردى قولداۋ ورتالىعىندا يراكتان جەتكٸزٸلگەن بالالاردىڭ جاي-كٷيٸن باق ٶكٸلدەرٸنە تانىستىرعان بولاتىن.
تانىستىرۋ بارىسىندا تٸلشٸلەردٸڭ ساۋالىنا وراي ول تۇل جەتٸم سانالعان بٸر بالانىڭ تۋىسى تابىلعاندىعىن اتاپ ٶتتٸ.
ال قر سىرتقى ٸستەر مينيسترلٸگٸنٸڭ ەكٸنشٸ حاتشىسى دانييار بايبەكوۆ ول بالانىڭ ەجەسٸ ەكەندٸگٸن ناقتىلادى.
«ونىڭ ەجەسٸ بار جەنە قازاقستاندا جٷرگٸزٸلگەن گەنومدىق ساراپتاما تۋىستىعىن دەلەلدەدٸ. ەيەل اتالعان بالانىڭ بيولوگييالىق ەجەسٸ سانالادى», - دەدٸ د.بايبەكوۆ.
يراكتان جەتكٸزٸلگەن 14 بالا ەلەۋمەتتەندٸرٸلٸپ, وڭالتۋدان ٶتٸپ جاتقان مەكەمە قازٸرگٸ ۋاقىتتا كارانتينگە جابىلعان. سەبەبٸ بالالاردىڭ بٸرٸننەن جۇقپالى اۋرۋ تابىلعان.
«بالالار وسى جەرگە جەتكٸزٸلگەننەن كەيٸن 15 مەديتسينا مامانى ولاردى جۇقپالى اۋرۋلارعا تەكسەرۋ جٷرگٸزدٸ. قازٸرگٸ ۋاقىتتا كارانتين جارييالانعان. سەبەبٸ بٸر بالا سكارلاتينامەن اۋىرعان جەنە ول قازٸرگٸ ۋاقىتتا مەديتسينا مەكەمەسٸندە جاتىر», - دەدٸ رايسا شەر.
