Qazaqstanda 2027 jyldyń 1 qańtarynan bastap ipotekalyq turǵyn úi qaryzdary boiynsha jyldyq tiimdi syiaqy mólsherlemesiniń jańa shekti deńgeileri engiziledi, dep habarlaidy ult.kz.
Qarjy naryǵyn retteý jáne damytý agenttigi men Ulttyq bank ázirlegen birlesken qaýly jobasyna sáikes, ipoteka mólsherlemesi qaryz somasy men turǵyn úi qunynyń araqatynasyna (LTV) bailanysty belgilenedi.
Jańa tártip boiynsha:
LTV kórsetkishi 0,7-ge deiin bolsa, jyldyq tiimdi syiaqy mólsherlemesi 20%-dan aspaidy;
LTV kórsetkishi 0,7-den joǵary bolǵan jaǵdaida shekti mólsherleme 25% deńgeiinde saqtalady.
LTV – ipoteka somasynyń kepilge qoiylǵan turǵyn úi qunyna qatynasyn kórsetetin kórsetkish. Ol qaryz alýshynyń bastapqy jarnasyna tikelei bailanysty.
Mamandardyń aitýynsha, bastapqy jarna neǵurlym joǵary bolsa, kredittik táýekel de soǵurlym tómen bolady. Máselen, eger satyp alýshy turǵyn úi qunynyń keminde 30 paiyzyn bastapqy jarna retinde tólese, ipoteka boiynsha qaryz quny tómenirek bolady.
Al 2026 jylǵy 1 shildeden 2027 jylǵy 1 qańtarǵa deiin ipotekalyq qaryzdar boiynsha jyldyq tiimdi syiaqy mólsherlemesiniń shekti deńgeii qazirgi 25% kóleminde saqtalady.
