Iordaniia astanasy Amman qalasynda kóshelerdiń birine Abaidyń esimi beriledi. Bul týraly QR Syrtqy ister ministrligi habarlady.
Búgin Qazaqstannyń Iordaniiadaǵy Elshisi Aidarbek Tumatov Amman qalasynyń meri Iýsef ash-Shaýaribpen kezdesti. Kelissózder barysynda Nur-Sultan ákimdigi men Amman mýnitsipaliteti arasyndaǵy yntymaqtastyqty odan ári nyǵaitý perspektivalary, sondai-aq ekijaqty bastamalarǵa qoldaý kórsetý máselesi talqylandy.
Sondai-aq uly Abaidyń 175 jyldyq mereitoiyn atap ótý aiasynda Amman qalasyndaǵy ortalyq kóshelerdiń birine qazaqtyń uly aqynynyń esimin berý týraly ýaǵdalastyqqa qol jetkizildi. Onyń saltanatty ashylýy Qazaqstan Respýblikasynyń Táýelsizdik kúni qarsańynda josparlanǵan.
Aita keteiik, 2010 jyldyń mamyr aiynda Korol II Abdallanyń Jarlyǵymen Iordaniia astanasynyń ortalyq kósheleriniń birine QR Tuńǵysh Prezidenti N.Nazarbaevtyń esimi berildi. 2018 jylǵy jeltoqsanda Ammanda «Astana» kóshesiniń saltanatty ashylý rásimi ótti.
Nur-Sultanda Iordaniia astanasy Amman atyndaǵy kóshe bar, al 2017 jylǵy 27 shildede Iordaniianyń ulttyq kúni aiasynda «EKSPO-2017» halyqaralyq kórmesinde Hýsein ben Talal atyndaǵy kósheni ashý rásimi ótti.
