Foto: depositphotos.com
Shyǵys Qazaqstan oblysynda prokýratýra investorlardyń quqyqtaryn qorǵaý baǵytynda júrgizilgen tekserý nátijesinde úsh kompaniianyń zańsyz jaýapkershilikke tartylǵanyn anyqtady. Quqyq buzýshylyqtar Investorlardyń quqyqtaryn qorǵaý komitetiniń úilestirýimen joiyldy, dep habarlaidy Ult.kz.
Jalpy investitsiialyq jobalardyń kólemi 8,4 milliard teńgeni qurap, 117 jańa jumys ornyn ashý kózdelgen.
Tekserý barysynda «Zaisan qurylys kompaniiasy» JShS eseptilikti usyný tártibin buzǵany úshin negizsiz ákimshilik jaýapqa tartylǵany belgili boldy. Sondai-aq «Ertis» JShS men «Altyn Shygys» JShS-ke fitosanitarlyq talaptardy saqtamady degen negizben aiyppul salynǵan.
Alaida Kásipkerlik kodeksine sáikes, investitsiialyq jobalarǵa qatysty ákimshilik is qozǵaý tek prokýror kelisimimen júzege asyrylýy tiis. Bul talap atalǵan jaǵdailarda saqtalmaǵan.
Prokýratýranyń narazylyǵy nátijesinde zańsyz shyǵarylǵan qaýlylar tolyqtai joiyldy. Quqyq buzýshylyqqa jol bergen úsh laýazymdy tulǵa jalpy somasy 648 myń teńge aiyppul arqalady.
Qadaǵalaýshy organ mundai faktilerdiń aldaǵy ýaqytta qaitalanbaýy úshin baqylaý kúsheitiletinin málimdedi.
Aita keteiik, buǵan deiin Aqtóbede zańsyz páter taratqan sheneýnik 7 jylǵa bas bostandyǵynan aiyrylǵan bolatyn.
