Búgin QR Premer-Ministri Asqar Maminniń tóraǵalyǵymen ótken Investitsiialyq ahýaldy jaqsartý jónindegi keńes otyrysynda pandemiiadan keiingi kezeńde Qazaqstan ekonomikasyn qalpyna keltirý máseleleri qaraldy, dep habarlaidy "Ult aqparat" primeminister.kz saityna silteme jasap.
Málim etilgendei, Qazaqstan Respýblikasyndaǵy halyqaralyq qarjy institýttary men investitsiialyq qoǵamdastyqtyń perspektivasy jóninde Qazaqstanda akkredittelgen AQSh elshisi Ý. Mozer, Ulybritaniia elshisi M. Gifford, Kanada elshisi N. Brýsso, Eýropalyq odaq elshisi Sven Olov Karlsson, EYDU Eýraziialyq bólimshesiniń direktory Ý. Tompson, EQDB ókildiginiń direktory A. Preimanis, Qazaqstandaǵy «Shell» kontserniniń tóraǵasy O. Lazar, sondai-aq EY jáne Deloitte kompaniialarynyń ókilderi baiandady.
QR investitsiialyq saiasaty men daǵdarysqa qarsy qabyldanyp jatqan sharalar týraly Ulttyq ekonomika ministri R. Dálenov túsinik berdi.
«Úkimet qabyldaǵan daǵdarysqa qarsy sharalar pandemiia saldarynan ekonomikalyq quldyraýdy báseńdetýge múmkindik berdi – ekonomikanyń naqty sektorynda, atap aitqanda, qurylysta (10,5%), aýyl sharýashylyǵynda (5%) jáne óńdeý ónerkásibinde (3,3%) oń dinamika saqtaldy», — dedi A. Mamin.
Úkimet basshysy Eýropalyq qaita qurý jáne damý banki, Aziia damý banki, Halyqaralyq valiýta qory, sondai-aq Moody's, Fitch, and Standard&Poor's reiting agenttikteri siiaqty jetekshi halyqaralyq qarjy institýttary QR ekonomikasynyń damýynyń oń boljamyn rastaǵanyn atap ótti.
Premer-Ministr ekonomikanyń odan ári ósýin qamtamasyz etý jáne pandemiiadan keiingi jańa shynaiy jaǵdailarda onyń sapaly jáne turaqty damýy úshin negiz qalyptastyrý maqsatynda Qazaqstannyń 2025 jylǵa deiingi Strategiialyq damý jospary ázirlengenin atap ótti.
Bul rette, Úkimet sheteldik kapitaldy tartýdyń jańa tujyrymdamasyn iske asyratyn bolady.
«Bul jumystyń qaǵidattarynyń biri jobalardy daiyndaý men iske asyrýdyń árbir satysynda investorlarǵa targettelgen kózqaras bolmaq», — dedi A. Mamin. Úkimet basshysy árbir strategiialyq investor úshin saralanǵan qoldaý «paketterin» qamtamasyz etetin arnaiy investitsiialyq kelisimderge qol qoiylatynyn atap ótti. «Investitsiia tartý – bizdiń jańa ekonomikalyq modelimizdiń negizgi aspektisi. Biz Qazaqstannyń halyqaralyq ustanymyn senimdi ári boljamdy investitsiialyq baǵyt retinde odan ári nyǵaitý jónindegi usynymdardyń tiimdi oryndalýyn qamtamasyz etemiz», — dep túiindedi A. Mamin.
