QR Tsifrlyq damý, innovatsiialar jáne aeroǵarysh ónerkásibi ministrliginiń Aqparattyq qaýipsizdik komitetiniń tóraǵasy Rýslan Ábdihalyqov internet qyzmetiniń nasharlaýyna qatysty túsinikteme berdi, dep habarlaidy "Ult aqparat".
«Bul kiber jattyǵýdy bizdiń azamattarǵa yńǵaisyzdyq týyndamaityndai etip ótkizýge tyrystyq. Belgili bir yńǵaisyzdyq týyndaǵany úshin keshirim ótinemiz. Álbette, bul sheteldik internet-resýrstardyń da qyzmetine áser etti. Nelikten dál ótken aptanyń demalysyn tańdap aldyq – sebebi osy ýaqytta azamattar barynsha jumystan bos, jumys barysynda joq», - dedi Rýslan Ábdihalyqov OKQ-da ótken baspasóz máslihatynda.
Eske sala ketsek buǵan deiin Rýslan Ábdihalyqov Nur-sultan qalasynda kiber jattyǵýlar ótkizilip jatqanyn aitqan bolatyn.
«Pandemiia ýaqytynda shyndyqqa sai kelmeitin, eldiń aqparattyq zańnamasyn buzatyn málimet kóbeiip ketti. Onyń bári áleýmettik media arqyly taraýda. Shynaiy jaǵdaidy baǵalaý úshin shartty dini ekstremister ártúrli aqparatty taratady. Al bul rette memlekettik organdardyń mindeti – ony ýaqytynda anyqtap, naqty shekteý qoiý. Sondai-aq búkil internet resýrstyń shtattyq qyzmetin buzylmaýy tiis», - degen edi ol.
