قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ اقپاراتتىق قاۋٸپسٸزدٸك كوميتەتٸنٸڭ تٶراعاسى رۋسلان ەبدٸحالىقوۆ ينتەرنەت قىزمەتٸنٸڭ ناشارلاۋىنا قاتىستى تٷسٸنٸكتەمە بەردٸ, دەپ حابارلايدى "ۇلت اقپارات".
«بۇل كيبەر جاتتىعۋدى بٸزدٸڭ ازاماتتارعا ىڭعايسىزدىق تۋىندامايتىنداي ەتٸپ ٶتكٸزۋگە تىرىستىق. بەلگٸلٸ بٸر ىڭعايسىزدىق تۋىنداعانى ٷشٸن كەشٸرٸم ٶتٸنەمٸز. ەلبەتتە, بۇل شەتەلدٸك ينتەرنەت-رەسۋرستاردىڭ دا قىزمەتٸنە ەسەر ەتتٸ. نەلٸكتەن دەل ٶتكەن اپتانىڭ دەمالىسىن تاڭداپ الدىق – سەبەبٸ وسى ۋاقىتتا ازاماتتار بارىنشا جۇمىستان بوس, جۇمىس بارىسىندا جوق», - دەدٸ رۋسلان ەبدٸحالىقوۆ وكق-دا ٶتكەن باسپاسٶز مەسليحاتىندا.
ەسكە سالا كەتسەك بۇعان دەيٸن رۋسلان ەبدٸحالىقوۆ نۇر-سۇلتان قالاسىندا كيبەر جاتتىعۋلار ٶتكٸزٸلٸپ جاتقانىن ايتقان بولاتىن.
«پاندەمييا ۋاقىتىندا شىندىققا ساي كەلمەيتٸن, ەلدٸڭ اقپاراتتىق زاڭناماسىن بۇزاتىن مەلٸمەت كٶبەيٸپ كەتتٸ. ونىڭ بەرٸ ەلەۋمەتتٸك مەديا ارقىلى تاراۋدا. شىنايى جاعدايدى باعالاۋ ٷشٸن شارتتى دٸني ەكسترەميستەر ەرتٷرلٸ اقپاراتتى تاراتادى. ال بۇل رەتتە مەملەكەتتٸك ورگانداردىڭ مٸندەتٸ – ونى ۋاقىتىندا انىقتاپ, ناقتى شەكتەۋ قويۋ. سونداي-اق بٷكٸل ينتەرنەت رەسۋرستىڭ شتاتتىق قىزمەتٸن بۇزىلماۋى تيٸس», - دەگەن ەدٸ ول.
