Sýret: Aqorda
Qasym-Jomart Toqaev "Qazaqstan Respýblikasynyń keibir zańnamalyq aktilerine bailanys, tsifrlandyrý, investitsiialyq ahýaldy jaqsartý jáne artyq zańnamalyq reglamentteýdi bolǵyzbaý máseleleri boiynsha ózgerister men tolyqtyrýlar engizý týraly" Qazaqstan Respýblikasynyń zańyna qol qoidy, dep habarlaidy "Ult aqparat" Aqordanyń baspasóz qyzmetine silteme jasap.
Zań bailanys jelilerin tartý, azamattardy tótenshe jaǵdai qaýpi týraly shuǵyl habardar etý, tótenshe jaǵdai engizý tetikterin jetildiredi. Sondai-aq Eýraziialyq ekonomikalyq odaq aiasyndaǵy taýar tasymalyn qadaǵalaý úshin kóliktiń barlyq túrine navigatsiialyq plombalar ornatý tártibin engizedi (qazirgi kezde plombalar júk tasymaldaityn avtokólikterge ornatylady).
"Bul normativtik qujat basqarý ortalyǵy Qazaqstannan tysqary jerde ornalasqan bailanys jelileriniń jumysyn qamtamasyz etý úshin elge jabdyq ákelýge tyiym salady. Sonymen qatar zańda antifrod-tetigi engizildi. Onyń aiasynda internet-alaiaqtyqqa jáne qarjy uiymdaryn zańǵa qaishy maqsattarda paidalanýǵa qarsy shara qoldanylady. Budan bólek, Densaýlyq saqtaý ministrliginiń qyzmetin avtomattandyrýǵa, sonyń ishinde densaýlyq saqtaý uiymdarymen ózara qarym-qatynasty jolǵa qoiýǵa arnalǵan densaýlyq saqtaý integratsiialyq platformasynyń jumysyna qatysty máseleler retteldi", - delingen resmi habarlamada.
Tsifrlyq damý, innovatsiialar jáne aeroǵarysh ónerkásibi ministrligi múgedektigi bar adamdarǵa jeńildik tarifterin berý jóninde bailanys operatorlaryna qosymsha mindettemeler belgileý quzyretine ie boldy.
