سۋرەت: اقوردا
قاسىم-جومارت توقاەۆ "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە بايلانىس, تسيفرلاندىرۋ, ينۆەستيتسييالىق احۋالدى جاقسارتۋ جەنە ارتىق زاڭنامالىق رەگلامەنتتەۋدٸ بولعىزباۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" قازاقستان رەسپۋبليكاسىنىڭ زاڭىنا قول قويدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
زاڭ بايلانىس جەلٸلەرٸن تارتۋ, ازاماتتاردى تٶتەنشە جاعداي قاۋپٸ تۋرالى شۇعىل حاباردار ەتۋ, تٶتەنشە جاعداي ەنگٸزۋ تەتٸكتەرٸن جەتٸلدٸرەدٸ. سونداي-اق ەۋرازييالىق ەكونوميكالىق وداق اياسىنداعى تاۋار تاسىمالىن قاداعالاۋ ٷشٸن كٶلٸكتٸڭ بارلىق تٷرٸنە ناۆيگاتسييالىق پلومبالار ورناتۋ تەرتٸبٸن ەنگٸزەدٸ (قازٸرگٸ كەزدە پلومبالار جٷك تاسىمالدايتىن اۆتوكٶلٸكتەرگە ورناتىلادى).
"بۇل نورماتيۆتٸك قۇجات باسقارۋ ورتالىعى قازاقستاننان تىسقارى جەردە ورنالاسقان بايلانىس جەلٸلەرٸنٸڭ جۇمىسىن قامتاماسىز ەتۋ ٷشٸن ەلگە جابدىق ەكەلۋگە تىيىم سالادى. سونىمەن قاتار زاڭدا انتيفرود-تەتٸگٸ ەنگٸزٸلدٸ. ونىڭ اياسىندا ينتەرنەت-الاياقتىققا جەنە قارجى ۇيىمدارىن زاڭعا قايشى ماقساتتاردا پايدالانۋعا قارسى شارا قولدانىلادى. بۇدان بٶلەك, دەنساۋلىق ساقتاۋ مينيسترلٸگٸنٸڭ قىزمەتٸن اۆتوماتتاندىرۋعا, سونىڭ ٸشٸندە دەنساۋلىق ساقتاۋ ۇيىمدارىمەن ٶزارا قارىم-قاتىناستى جولعا قويۋعا ارنالعان دەنساۋلىق ساقتاۋ ينتەگراتسييالىق پلاتفورماسىنىڭ جۇمىسىنا قاتىستى مەسەلەلەر رەتتەلدٸ", - دەلٸنگەن رەسمي حابارلامادا.
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ مٷگەدەكتٸگٸ بار ادامدارعا جەڭٸلدٸك تاريفتەرٸن بەرۋ جٶنٸندە بايلانىس وپەراتورلارىنا قوسىمشا مٸندەتتەمەلەر بەلگٸلەۋ قۇزىرەتٸنە يە بولدى.
