Shymkentte kásipkerler men memlekettik qyzmetshilerden aqsha bopsalady degen kúdikpen jergilikti bloger men onyń úsh sybailasy ustaldy, dep habarlaidy ult.kz.
Óńirlik politsiia departamentiniń málimetinshe, kúdiktilerdiń biri – Instagram jelisinde 150 myńǵa jýyq oqyrmany bar bloger. Ol úsh sybailasymen birge kásipkerler men memlekettik qyzmetshilerdi qyzmettik mindetin atqarý barysynda nemese kásipkerlik qyzmetine qatysty túrli jaǵdailardy ádeii beinetaspaǵa túsirip otyrǵan.
Quqyq qorǵaý organdarynyń málimetinshe, túsirilgen videolar keiin bopsalaý quraly retinde paidalanylǵan. Kúdiktiler áleýmettik jelilerde azamattardyń bedeline nuqsan keltiretin materialdardy jariialaimyz dep qorqytyp, olardan aqsha talap etken.
Shymkent qalalyq politsiia departamentiniń Uiymdasqan qylmysqa qarsy kúres basqarmasy kúdiktilerdiń zańsyz áreketiniń jolyn kesken.
Qazirgi ýaqytta tórt kúdikti de ustalyp, sottyń sanktsiiasymen qamaýǵa alyndy. Tergeý amaldary jalǵasyp jatyr.
