«Qazposhta» AQ «Info day» ataýymen servistik modelde iske asyrylǵan jobalaryn tanystyrdy.
«Astana Hub» tehnoparkinde ótken paneldik pikirtalasqa «Documentolog», «Adrome automation», «Info-Media», «Arta Software» jáne «Kazakhtelecom Industrial Enterprises Services», «Four Banking Solutions» kásiporyndary basshylary men basqa da kompaniia seriktesteri qatysty. Jiyn barysynda franshiza shemasy boiynsha yntymaqtastyq máseleleri týraly keńirek sóz boldy.
«Búginde elimiz boiynsha, «Qazposhta» qyzmetin júzege asyryp otyrǵan 23 myń qyzmetker jáne 3,5 myń keńsemiz bar. Birneshe jyl buryn «Qazposhta» qyzmetkerleriniń tek 2 myńǵa jýyq jumys orny kompiýtermen jabdyqtalǵan bolatyn. Al búginde servis úlgisi arqasynda barlyq shalǵaidaǵy aýyldardaǵy poshta bólimsheleri de kompiýtermen jabdyqtaldy. Biz «Qazposhta» qyzmetterin barynsha jeńildetý úshin IT-salasyndaǵy barlyq jańa innovatsiialardy engizýge tyrysamyz. Jańa innovatsiialyq qyzmetterdi júzege asyrý arqyly qazaqstandyqtardyń tsifrlyq jáne qarjylyq saýattylyǵyn arttyrýǵa úles qosamyz», - deidi «Qazposhta» AQ Basqarma tóraǵasy Sáken Sársenov.
«Qazposhta» búginde «ekspress poshta» qyzmetin sátti júzege asyryp keledi. Naqtyraq aitsaq, endi sálemdemeler bir qaladan ekinshi qalaǵa bir kún ishinde jetkiziletin bolady. Sondai-aq, Sáken Sársenov «Qazposhta» qyzmetkeriniń qatysýynsyz, avtomatty mashinalar arqyly qyzmet kórsetetin tsifrlyq keńselerdiń qyzmet kórsetetinin atap ótti.
Iske qosylǵan taǵy bir qyzmet túri – ámbebap agent. Ol úshin aýyldyq jerlerge arnaiy tehnikalyq jabdyqtar ornatylady. Sáikesinshe, bul aýyl turǵyndaryna HQKO, meditsinalyq uiymdar, bilim berý mekemeleri, jumyspen qamtý ortalyǵy sekildi ártúrli jumys oryndaryna qatysty qyzmet túrlerin qashyqtan alýǵa jaǵdai týǵyzady.
Sonymen qatar, bank kartochkasyn tutynýshylarǵa qarjy qyzmetteri úshin «Salem Online» (kartochkadan kartaǵa aýysý), «Salem Mobile» (QR kodtary arqyly tóleý) qyzmetteri, kez kelgen zańdy jáne jeke qyzmetterge veb-saityńyzdaǵy tólemderdi anyqtaýǵa jáne qabyldaýǵa múmkindik beretin qyzmet túrleri engizilgen. Sondai-aq, «PayPost» onlain-satyp alý internet-dúken ielerine kez-kelgen banktiń bank kartalarynan tólemderdi qabyldaýǵa múmkindik beredi.
Aita keteiik, elimizde «Tsifrly Qazaqstan» baǵdarlamasy aiasynda memlekettik qyzmetterdi, qyzmet kórsetý salalaryn tsifrlandyrý naýqany belsendi júzege asýda.
