2020 jylǵy qańtar-shilde aralyǵynda elimizde munai óńdeý ónimderi óndirisiniń jalpy kólemi 10,2 mln tonnany quraǵan – bul ótken jylmen salystyrǵanda 9 paiyzǵa az. Bul týraly energyprom.kz saity habarlady.
Aimaqtar arasynda óndiristiń 86,1 paiyzy qazaqstandyq MÓZ jumys isteitin aimaqtarynda, tizimde osy aimaqtar kósh bastap tur: bul Atyraý oblysy (Atyraý munai óńdeý zaýyty): 3,6 mln. tonna – byltyrǵy jylmen salystyrǵanda, 2 paiyzǵa az, Pavlodar oblysy (Pavlodar munai jáne himiia zaýyty): 2,7 mln. tonna – ótken jylmen salystyrǵanda, 13,8 paiyz az, Shymkent («PetroQazaqstan Oil Prodakt» JShS zaýyty): 2,5 mln. tonna – minýs 15,4 paiyz.
Munai otyny, distilliattar men gazoil óndirisi qańtar-tamyz aralyǵynda 8,1 mln tonnany quraǵan, óndiris ótken jylmen salystyrǵanda 12,8 paiyzǵa qysqardy. Sonyń ishinde kerosin shyǵarý (34,1 paiyzǵa, 278,5 tonnaǵa deiin) jáne mazýt óndirisi (29,2 paiyzǵa, 1,4 mln. tonnaǵa deiin) aitarlyqtai tómendegen. Sondai-aq dizeldik otyn óndirisi de minýsqa ushyrady (jylyna 6,7 paiyzǵa, 3,1 mln. tonnaǵa deiin). Bul rette benzin óndirisi jylyna 3,3 paiyzǵa kóbeiip, 2,9 mln. tonnany quraǵan.
Energetika ministri Nurlan Noǵaev úkimet otyrysynda búginde eldiń ishki naryǵy jeke óndiristiń munai ónimderimen tolyq qamtamasyz etilgenin atap ótti.
2020 jyldyń tamyzynda benzin ótken jyldyń osyndai kezeńimen salystyrǵanda 2,4 paiyzǵa qymbattady. Baǵalar ósimi Jambyl oblysynda (5,7 paiyz) jáne Almaty oblysynda (4,3 paiyz), sondai-aq Almatyda (4,2 paiyz) tirkelgen.
AI-98 markaly benzin jylyna 2,6 paiyz qymbattady, AI-92 baǵasy – 2,5 paiyzǵa, AI-95/96 – 1,2 paiyzǵa ósken. Dizeldik otyn bolsa, kerisinshe, 1,2 paiyzǵa arzandai tústi.
