2020 جىلعى قاڭتار-شٸلدە ارالىعىندا ەلٸمٸزدە مۇناي ٶڭدەۋ ٶنٸمدەرٸ ٶندٸرٸسٸنٸڭ جالپى كٶلەمٸ 10,2 ملن توننانى قۇراعان – بۇل ٶتكەن جىلمەن سالىستىرعاندا 9 پايىزعا از. بۇل تۋرالى energyprom.kz سايتى حابارلادى.
ايماقتار اراسىندا ٶندٸرٸستٸڭ 86,1 پايىزى قازاقستاندىق مٶز جۇمىس ٸستەيتٸن ايماقتارىندا, تٸزٸمدە وسى ايماقتار كٶش باستاپ تۇر: بۇل اتىراۋ وبلىسى (اتىراۋ مۇناي ٶڭدەۋ زاۋىتى): 3,6 ملن. توننا – بىلتىرعى جىلمەن سالىستىرعاندا, 2 پايىزعا از, پاۆلودار وبلىسى (پاۆلودار مۇناي جەنە حيمييا زاۋىتى): 2,7 ملن. توننا – ٶتكەن جىلمەن سالىستىرعاندا, 13,8 پايىز از, شىمكەنت («پەتروقازاقستان ويل پروداكت» جشس زاۋىتى): 2,5 ملن. توننا – مينۋس 15,4 پايىز.
مۇناي وتىنى, ديستيللياتتار مەن گازويل ٶندٸرٸسٸ قاڭتار-تامىز ارالىعىندا 8,1 ملن توننانى قۇراعان, ٶندٸرٸس ٶتكەن جىلمەن سالىستىرعاندا 12,8 پايىزعا قىسقاردى. سونىڭ ٸشٸندە كەروسين شىعارۋ (34,1 پايىزعا, 278,5 تونناعا دەيٸن) جەنە مازۋت ٶندٸرٸسٸ (29,2 پايىزعا, 1,4 ملن. تونناعا دەيٸن) ايتارلىقتاي تٶمەندەگەن. سونداي-اق ديزەلدٸك وتىن ٶندٸرٸسٸ دە مينۋسقا ۇشىرادى (جىلىنا 6,7 پايىزعا, 3,1 ملن. تونناعا دەيٸن). بۇل رەتتە بەنزين ٶندٸرٸسٸ جىلىنا 3,3 پايىزعا كٶبەيٸپ, 2,9 ملن. توننانى قۇراعان.
ەنەرگەتيكا مينيسترٸ نۇرلان نوعاەۆ ٷكٸمەت وتىرىسىندا بٷگٸندە ەلدٸڭ ٸشكٸ نارىعى جەكە ٶندٸرٸستٸڭ مۇناي ٶنٸمدەرٸمەن تولىق قامتاماسىز ەتٸلگەنٸن اتاپ ٶتتٸ.
2020 جىلدىڭ تامىزىندا بەنزين ٶتكەن جىلدىڭ وسىنداي كەزەڭٸمەن سالىستىرعاندا 2,4 پايىزعا قىمباتتادى. باعالار ٶسٸمٸ جامبىل وبلىسىندا (5,7 پايىز) جەنە الماتى وبلىسىندا (4,3 پايىز), سونداي-اق الماتىدا (4,2 پايىز) تٸركەلگەن.
اي-98 ماركالى بەنزين جىلىنا 2,6 پايىز قىمباتتادى, اي-92 باعاسى – 2,5 پايىزعا, اي-95/96 – 1,2 پايىزعا ٶسكەن. ديزەلدٸك وتىن بولسا, كەرٸسٸنشە, 1,2 پايىزعا ارزانداي تٷستٸ.
