Densaýlyq saqtaý ministrligi meningokokk infektsiiasynyń belsendiligi qashan túsetinin aita almaidy. Bul týraly vedomstvo basshysy Eljan Birtanov úkimet otyrysynyń úzilisinde aitty, - dep habarlaidy Tengrinews.kz tilshisi.
"Densaýlyq saqtaý ministrligi birinshi kezekte meditsinalyq kómektiń sapa standarttaryna jaýap beredi. Biz virýs infektsiialarynyń sipatyn rettei almaimyz, sebebi bul bakteriialyq virýstardyń taralýy, infektsiia belsendiligi túsedi ne artady dep aita almaimyn. (...) Daýryǵýdyń qajeti joq. Almatydaǵy jáne Qazaqstandaǵy aýrý juqtyrý deńgeii sońǵy 20 jyldaǵy kórsetkishpen salystyrǵanda aitarlyqtai tómen. Ósken jyldary da, tómendegen jyldary da bar, biraq eshkim kepil bere almaidy", - dedi Birtanov jýrnalisterdiń suraǵyna jaýap berip.
Onyń aitýynsha, qazirgi ýaqytta Almaty oblysynda meditsinalyq kadrlardyń sanyn arttyrýǵa shara júrgizilip jatyr, al meningitti emdeýge qajetti barlyq dári-dármek jetkilikti kólemde bar.
"Sharalardy qabyldaýdyń mehanizmi bar - indetke qarsy sharalar, bul sharalar indettiń taralmaýyna baǵyttalǵan. Ekinshisi - osy maqsatta aldyn alý sharalary. Barlyq aýmaqta aýdandyq deńgeide jumys júrgizilip jatyr. Onyń ishinde halyq kóp jinalatyn oryndarda, jeke gigienany saqtaý talaptary, meditsinalyq kómekke óz ýaqytynda júginý sharalary. Biz bul jumysta meditsinalyq uiymdarda jalǵastyramyz, sondai-aq, bul sharalardyń durys oryndalýyn baqylaýda ustaimyz", - dedi ministr.
