دەنساۋلىق ساقتاۋ مينيسترلٸگٸ مەنينگوكوكك ينفەكتسيياسىنىڭ بەلسەندٸلٸگٸ قاشان تٷسەتٸنٸن ايتا المايدى. بۇل تۋرالى ۆەدومستۆو باسشىسى ەلجان بٸرتانوۆ ٷكٸمەت وتىرىسىنىڭ ٷزٸلٸسٸندە ايتتى, - دەپ حابارلايدى Tengrinews.kz تٸلشٸسٸ.
"دەنساۋلىق ساقتاۋ مينيسترلٸگٸ بٸرٸنشٸ كەزەكتە مەديتسينالىق كٶمەكتٸڭ ساپا ستاندارتتارىنا جاۋاپ بەرەدٸ. بٸز ۆيرۋس ينفەكتسييالارىنىڭ سيپاتىن رەتتەي المايمىز, سەبەبٸ بۇل باكتەرييالىق ۆيرۋستاردىڭ تارالۋى, ينفەكتسييا بەلسەندٸلٸگٸ تٷسەدٸ نە ارتادى دەپ ايتا المايمىن. (...) داۋرىعۋدىڭ قاجەتٸ جوق. الماتىداعى جەنە قازاقستانداعى اۋرۋ جۇقتىرۋ دەڭگەيٸ سوڭعى 20 جىلداعى كٶرسەتكٸشپەن سالىستىرعاندا ايتارلىقتاي تٶمەن. ٶسكەن جىلدارى دا, تٶمەندەگەن جىلدارى دا بار, بٸراق ەشكٸم كەپٸل بەرە المايدى", - دەدٸ بٸرتانوۆ جۋرناليستەردٸڭ سۇراعىنا جاۋاپ بەرٸپ.
ونىڭ ايتۋىنشا, قازٸرگٸ ۋاقىتتا الماتى وبلىسىندا مەديتسينالىق كادرلاردىڭ سانىن ارتتىرۋعا شارا جٷرگٸزٸلٸپ جاتىر, ال مەنينگيتتٸ ەمدەۋگە قاجەتتٸ بارلىق دەرٸ-دەرمەك جەتكٸلٸكتٸ كٶلەمدە بار.
"شارالاردى قابىلداۋدىڭ مەحانيزمٸ بار - ٸندەتكە قارسى شارالار, بۇل شارالار ٸندەتتٸڭ تارالماۋىنا باعىتتالعان. ەكٸنشٸسٸ - وسى ماقساتتا الدىن الۋ شارالارى. بارلىق اۋماقتا اۋداندىق دەڭگەيدە جۇمىس جٷرگٸزٸلٸپ جاتىر. ونىڭ ٸشٸندە حالىق كٶپ جينالاتىن ورىنداردا, جەكە گيگيەنانى ساقتاۋ تالاپتارى, مەديتسينالىق كٶمەككە ٶز ۋاقىتىندا جٷگٸنۋ شارالارى. بٸز بۇل جۇمىستا مەديتسينالىق ۇيىمداردا جالعاستىرامىز, سونداي-اق, بۇل شارالاردىڭ دۇرىس ورىندالۋىن باقىلاۋدا ۇستايمىز", - دەدٸ مينيستر.
