QR indýstriia jáne infraqurylymdyq damý ministriniń buiryǵymen Qarabaev Marat Kárimjanuly QR Indýstriia jáne infraqurylymdyq damý ministrliginiń Indýstriialyq damý jáne ónerkásiptik qaýipsizdik komitetiniń tóraǵasy qyzmetine taǵaiyndaldy. Bul týraly "Ult aqparat" QR Premer-Ministriniń baspasóz qyzmetine silteme jasap habarlaidy.
Marat Qarabaev 1987 jyly 4 shildede Ózbekstan Respýblikasynyń Tashkent oblysynda týǵan. Tashkent avtomobil joly institýtyn, Ýorvik ýniversitetin (Ulybritaniia), M.H. Dýlati atyndaǵy Taraz memlekettik ýniversitetin bitirgen.
Eńbek jolyn 2011 jyly QR Aýyl sharýashylyǵy ministrliginiń Sý sharýashylyǵy komitetiniń Sý sharýashylyǵy imarattarynyń jelilerin paidalaný jáne damytý basqarmasynyń sarapshysy retinde bastady.
2011 jyldan 2013 jyl aralyǵynda — QR Indýstriia jáne jańa tehnologiialar ministrligi Jańa tehnologiialar jáne energiia únemdeý departamenti Servistik indýstriiany tehnologiialyq damytý basqarmasynyń bas sarapshysy.
2014-2015 jyldary — Ońtústik Qazaqstan oblysy, Shymkent qalasy Kásipkerlik jáne indýstrialdy-innovatsiialyq damý basqarmasy basshysynyń orynbasary.
2015-2017 jyldary — Ońtústik Qazaqstan oblysy, Shymkent qalasy Kásipkerlik jáne indýstrialdy-innovatsiialyq damý jáne týrizm basqarmasynyń basshysy.
2018-2019 jyldary — QR Tsifrlyq damý, qorǵanys jáne aeroǵarysh ónerkásibi ministrliginiń Qorǵanys-ónerkásip keshenin damytý departamentiniń direktory.
2019 jylǵy tamyzdan bastap qazirgi tańǵa deiin QR Indýstriia jáne jańa tehnologiialar ministrliginiń Qorǵanys-ónerkásip keshenin damytý departamentiniń direktory qyzmetin atqardy.
Sondai-aq, QR indýstriia jáne infraqurylymdyq damý ministriniń buiryǵymen Qanat Qurmashuly Baitov QR Indýstriia jáne infraqurylymdyq damý ministrliginiń Indýstriialyq damý jáne ónerkásiptik qaýipsizdik komitetiniń tóraǵasy qyzmetinen bosatyldy.
Qanat Baitov 1968 jyly Pavlodar oblysynda týǵan. Qaraǵandy politehnikalyq institýtyn, Kókshetaý ekonomika jáne menedjment institýtyn bitirgen.
Ár jyldary taý-ken jáne qarjy salalarynda jumys istedi.
2009-2010 jyldary — metallýrgiia jáne himiia ónerkásibi basqarmasynyń basshysy, 2010-2011 jyldary taý-ken óndirisi ónerkásibi basqarmasyn basqardy, 2011-2014 jyldary — QR Indýstriia jáne saýda ministrliginiń Ónerkásip komitetiniń taý-ken metallýrgiia ónerkásibi basqarmasynyń basshysy boldy.
2014–2019 jyldary — QR Investitsiialar jáne damý ministrliginiń Indýstriialyq damý jáne ónerkásiptik qaýipsizdik komiteti tóraǵasynyń orynbasary.
2019 jylǵy aqpan aiynan bastap QR IIDM Indýstriialyq damý jáne ónerkásiptik qaýipsizdik komiteti tóraǵasynyń orynbasary qyzmetin atqardy.
2019 jyly mamyr aiynda QR IIDM Indýstriialyq damý jáne ónerkásiptik qaýipsizdik komitetiniń tóraǵasy qyzmetine taǵaiyndalǵan.
