Samuryq-Qazyna» ulttyq ál-aýqat qory indýstriialandyrý baǵdarlamasynyń ekinshi kezeńi aiasynda 30 myń jańa jumys ornyn ashýǵa josparlap otyr. Bul týraly jýrnalisterge bergen suhbatynda qordyń basqarma tóraǵasy Ómirzaq Shókeev málimdedi.
Qor basshysynyń aitýynsha, «Samuryq-Qazyna» jańa besjyldyq sheńberinde qara jáne tústi metallýrgiia, munai-gaz-himiia jáne agrohimiia tárizdi basym salalarda indýstriialandyrý baǵdarlamasyn iske asyrýǵa belsendi qatysady.
«Qazirdiń ózinde birqatar nysandarda qurylys jumystary belsendi júrgizilip jatyr, ári 2000-ǵa jýyq jumys oryny da ashyldy. Qurylys kezinde barlyǵy 25 myńnan astam jáne paidalaný kezinde 4 myńnan astam jumys orny qurylatyn bolady», - dep málimdedi Ómirzaq Shókeev.
Sonymen qatar, qor jobalardy qarjylandyrý tásilderin ózgertkendigin de atap ótti. Eger birinshi besjyldyq josparyn júzege asyrý kezeńinde memlekettik qarajat paidalanylǵan bolsa, baǵdarlamanyń jańa kezeńinde syrtqy investitsiia belsendi tartylýda. Olardyń qatarynda halyqaralyq qarjylyq institýttar men bankter, sondai-aq, strategiialyq investorlar da bar. Transulttyq korporatsiialarǵa erekshe kóńil aýdaryldy.
«Elbasy transulttyq korporatsiialardy tartý boiynsha jumysty belsendirek júrgizýdi tapsyrdy, biz ony tolyqtai qoldaimyz, óitkeni bul kompaniialar tikelei investitsiialar ákeledi, kompaniialardy basqarýdyń úzdik tájiribesine ie jáne qazirgi zamanǵa sai tehnologiialary bar, ári sheteldik naryqtarǵa shyǵýǵa da múmkindik beredi»,- dep aiyryqsha atap ótti Ómirzaq Shókeev.
Birinshi besjyldyq sheńberinde «Samuryq-Qazyna» Qorynyń jobalary ashylǵan jumys oryndarynyń quny men sany boiynsha, jalpy alǵanda, shamamen baǵdarlamalardyń 40% qurady. 1200 kilometrden astam temir jol salyndy, júk vagondary men elektrovozdar quraý boiynsha óndiristik qýat engizildi, affinaj zaýyty salyndy jáne jol bitýmy óndirisi uiymdastyryldy.
Ult portaly
.jpeg)