QR Indýstriia jáne infraqurylymdyq damý ministrligi AZIIa AVTO-ǵa qatysty resmi málimdede taratty, dep habarlaidy "Ult aqparat".
Ministrlik «AZIIa AVTO» basshylyǵy óz mindettemelerin oryndamaǵanyn jáne qoǵamdy jańylystyryp otyrǵanyn aitty.
«AZIIa AVTO» kompaniialar toby qoǵamdyq pikirdi burmalaý maqsatynda kezekti ret negizsiz jáne shyndyqqa janaspaityn faktileri bar aqparat taratyp jatyr, - dep habarlaidy QR IIDM baspasóz qyzmeti.
Qazaqstan Respýblikasynyń Indýstriia jáne infraqurylymdyq damý ministrligi buǵan deiin de atalǵan kásiporyn basshylyǵy tarapynan jasalyp jatqan aqparattyq arandatýǵa senbeýge shaqyrǵan úndeý jasaǵan edi.
«QR IIDM jáne «Aziia Avto» AQ arasynda jasalǵan 2017 jylǵy 7 sáýirdegi Ónerkásiptik jinastyrý týraly kelisim jáne 2019 jylǵy 4 qarashadaǵy №1 Qosymsha kelisim Nur-Sultan qalasyndaǵy Mamandandyrylǵan aýdanaralyq ekonomikalyq sottyń 2020 jylǵy 24 tamyzdaǵy №7119-20-00-2/6894 sheshimimen kúshin joiyp, Holding tarapynan mindettemelerin oryndamaǵany úshin buzyldy. Memlekettik preferentsiialardyń bolmaýy kásiporynnyń aǵymdaǵy óndirisine jáne jumys úderisine esh áser etpeidi. Kelisimniń buzylýy Holding basshylyǵyn buǵan deiin ózderine alǵan mindettemelerin oryndaýǵa yntylandyrý úshin jasaldy. Kompaniia qurylǵan sátten bastap 18 jyl boiy óndirisine qoldaý kórsetilip keldi. Biraq, óndiristi modernizatsiialaý jáne qazaqstandyq mazmun deńgeiin arttyrý jónindegi kelisimde kózdelgen mindettemelerin oryndamady», - dep atap ótti QR IIDM Indýstriialyq damý jáne ónerkásiptik qaýipsizdik komitetiniń tóraǵasy Marat Qarabaev.
Onyń aitýynsha, memlekettik investitsiialyq preferentsiialar baǵyttalǵan jańa ónerkásiptik qýattylyǵynyń qurylysy aiaqtalsa, kompaniia jańa kelisim jasasý týraly ótinim bere alady.
«Mundai jaǵdaida QR IIDM memlekettik preferentsiialar usynýdy qaita jandandyrý týraly máseleni qarastyrýǵa daiyn», - dedi Komitet tóraǵasy.
QR IIDM «AZIIa AVTO» ujymyn sabyrlyq saqtap, kásiporyn basshylyǵy tarapynan jasalatyn úrei men qysymǵa boi bermei, negizsiz jumystan bosatqan jaǵdaidaqyzmetkerlerdi jumystan bosatý faktilerinińzańdylyǵyn teksertý úshin QR Memlekettik eńbek inspektsiiasyna habarlasýǵa shaqyrady.
QR IIDM sondai-aq jurtshylyqty Holding basshylyǵynyń aqparattyq arandatý áreketterine ermeýge jáne otandyq mashina jasaý salasyn qoldaýǵa baǵyttalǵan memlekettik saiasatqa senimdi joiý maqsatynda jariialanatyn jalǵan aqparatty taratpaýǵa shaqyrady.
