Indoneziiada avtobýs shatqalǵa qulap, sonyń saldarynan keminde 24 adam qaza taýyp, taǵy 13-i jaraqat aldy, dep habarlaidy "Ult aqparat" The Jakarta Post saityna silteme jasap.
Ondaǵan jolaýshysy bar avtobýs dúisenbige qaraǵan túni Ońtústik Sýmatra provintsiiasyndaǵy 150 metrlik shatqalǵa qulady, dep habarlady seisenbi kúni jergilikti politsiianyń baspasóz qyzmeti.
«Avtobýs shatqalǵa qulamastan buryn beton jol tosqaýylyna kirip ketken. Keibir adamdar áli de kóliktiń ishinde», - dep málimdedi baspasóz qyzmeti.
Oqiǵa ornyna zardap shekkenderdi izdeý úshin izdestirý-qutqarý toptary jiberildi. Apat Pagar Alam qalasynyń mańyndaǵy shalǵai jerde boldy, ol óz kezeginde izdestirý-qutqarý toptarynyń jumysyna kedergi keltirdi, biraq soǵan qaramastan oqiǵa ornynda zardap shekkenderdiń keibiri aýrýhanaǵa jetkizildi.
Resmi málimet boiynsha, apat bolǵan kezde avtobýsta barlyǵy 27 jolaýshy bolǵan, biraq keibir aman qalǵan adamdar politsiiaǵa apat bolǵan kezde onda 50 shaqty adam bolǵanyn aitty.
Aita ketý kerek, qyrkúiek aiynda osyndai oqiǵadan 21 adam qaza tapqan. Sodan keiin avtobýs Batys Iavanyń Sýkabými aimaǵyndaǵy shatqalǵa qulady.
Osydan birneshe ai buryn Batys Iava qalasynda avtobýstyń júrgizýshisi men jolaýshysynyń arasynda janjal týyndap, sonyń saldarynan bolǵan apattan 12 adam qaza taýyp, ondaǵan adam jaraqat alǵan bolatyn.
