يندونەزييادا اۆتوبۋس شاتقالعا قۇلاپ, سونىڭ سالدارىنان كەمٸندە 24 ادام قازا تاۋىپ, تاعى 13-ٸ جاراقات الدى, دەپ حابارلايدى "ۇلت اقپارات" The Jakarta Post سايتىنا سٸلتەمە جاساپ.
ونداعان جولاۋشىسى بار اۆتوبۋس دٷيسەنبٸگە قاراعان تٷنٸ وڭتٷستٸك سۋماترا پروۆينتسيياسىنداعى 150 مەترلٸك شاتقالعا قۇلادى, دەپ حابارلادى سەيسەنبٸ كٷنٸ جەرگٸلٸكتٸ پوليتسييانىڭ باسپاسٶز قىزمەتٸ.
«اۆتوبۋس شاتقالعا قۇلاماستان بۇرىن بەتون جول توسقاۋىلىنا كٸرٸپ كەتكەن. كەيبٸر ادامدار ەلٸ دە كٶلٸكتٸڭ ٸشٸندە», - دەپ مەلٸمدەدٸ باسپاسٶز قىزمەتٸ.
وقيعا ورنىنا زارداپ شەككەندەردٸ ٸزدەۋ ٷشٸن ٸزدەستٸرۋ-قۇتقارۋ توپتارى جٸبەرٸلدٸ. اپات پاگار الام قالاسىنىڭ ماڭىنداعى شالعاي جەردە بولدى, ول ٶز كەزەگٸندە ٸزدەستٸرۋ-قۇتقارۋ توپتارىنىڭ جۇمىسىنا كەدەرگٸ كەلتٸردٸ, بٸراق سوعان قاراماستان وقيعا ورنىندا زارداپ شەككەندەردٸڭ كەيبٸرٸ اۋرۋحاناعا جەتكٸزٸلدٸ.
رەسمي مەلٸمەت بويىنشا, اپات بولعان كەزدە اۆتوبۋستا بارلىعى 27 جولاۋشى بولعان, بٸراق كەيبٸر امان قالعان ادامدار پوليتسيياعا اپات بولعان كەزدە وندا 50 شاقتى ادام بولعانىن ايتتى.
ايتا كەتۋ كەرەك, قىركٷيەك ايىندا وسىنداي وقيعادان 21 ادام قازا تاپقان. سودان كەيٸن اۆتوبۋس باتىس ياۆانىڭ سۋكابۋمي ايماعىنداعى شاتقالعا قۇلادى.
وسىدان بٸرنەشە اي بۇرىن باتىس ياۆا قالاسىندا اۆتوبۋستىڭ جٷرگٸزۋشٸسٸ مەن جولاۋشىسىنىڭ اراسىندا جانجال تۋىنداپ, سونىڭ سالدارىنان بولعان اپاتتان 12 ادام قازا تاۋىپ, ونداعان ادام جاراقات العان بولاتىن.
