Koronavirýs indetin tolyq jeńip shyqqansha antiseptik qoldanyp, maska taǵý qajet. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy "Ult aqparat".
«Al endi meditsina salasyndaǵy jaǵymdy jańalyqtar jóninde aitar bolsaq, aimaqtarda indetten jazylǵan sońǵy naýqasty shyǵaryp salyp jatqan sátter jii jariialanyp jatyr. Máselen, ótken aptada elordamyzdaǵy provizorlyq aýrýhanada sońǵy naýqas jazylyp shyqty. Aita keterligi, bul ardagerlerge arnalǵan gospital bolatyn. Qazir munda koronavirýspen aýyryp jatqan naýqas joq», - dedi ol Ortalyq kommýnikatsiialar qyzmetindegi brifing barysynda.
Resmi ókildiń aitýynsha, aldaǵy ýaqytta gospitalde zalalsyzdandyrý jumystary júrgizilip, tiisti saraptamalar jasalǵannan keiin burynǵy qyzmetine qaita kóshedi.
«Ahýal turaqtandy eken dep qaýipsizdik erejesin buzýǵa bolmaidy. Muny esterińizge salamyz. Indetti tolyq jeńip shyqqansha antiseptik qoldanyp, maska taǵýyp, áleýmettik ara qashyqtyqty saqtańyzdar», - dedi Baǵdat Qojahmetov.
