كوروناۆيرۋس ٸندەتٸن تولىق جەڭٸپ شىققانشا انتيسەپتٸك قولدانىپ, ماسكا تاعۋ قاجەت. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتتى, دەپ حابارلايدى "ۇلت اقپارات".
«ال ەندٸ مەديتسينا سالاسىنداعى جاعىمدى جاڭالىقتار جٶنٸندە ايتار بولساق, ايماقتاردا ٸندەتتەن جازىلعان سوڭعى ناۋقاستى شىعارىپ سالىپ جاتقان سەتتەر جيٸ جارييالانىپ جاتىر. مەسەلەن, ٶتكەن اپتادا ەلوردامىزداعى پروۆيزورلىق اۋرۋحانادا سوڭعى ناۋقاس جازىلىپ شىقتى. ايتا كەتەرلٸگٸ, بۇل ارداگەرلەرگە ارنالعان گوسپيتال بولاتىن. قازٸر مۇندا كوروناۆيرۋسپەن اۋىرىپ جاتقان ناۋقاس جوق», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
رەسمي ٶكٸلدٸڭ ايتۋىنشا, الداعى ۋاقىتتا گوسپيتالدە زالالسىزداندىرۋ جۇمىستارى جٷرگٸزٸلٸپ, تيٸستٸ ساراپتامالار جاسالعاننان كەيٸن بۇرىنعى قىزمەتٸنە قايتا كٶشەدٸ.
«احۋال تۇراقتاندى ەكەن دەپ قاۋٸپسٸزدٸك ەرەجەسٸن بۇزۋعا بولمايدى. مۇنى ەستەرٸڭٸزگە سالامىز. ٸندەتتٸ تولىق جەڭٸپ شىققانشا انتيسەپتيك قولدانىپ, ماسكا تاعۋىپ, ەلەۋمەتتٸك ارا قاشىقتىقتى ساقتاڭىزدار», - دەدٸ باعدات قوجاحمەتوۆ.
