Vaktsinatsiia boiynsha Aleksei Tsoi men úkimetke syn aityldy
Prezident Qazaqstan halyqty immýndaý, iaǵni vaktsina salý qarqyny boiynsha kóshbasshy memleketterden edáýir artta qalǵanyn atap ótti. Búgingi tańda immýndaý kýrsyn 47 myńǵa jýyq adam aiaqtaǵan (birinshi komponenti - 137 346 adam). Aitýynsha, bul jaǵdaidyń sebebi - vaktsinalardyń jetispeýi. Osylaisha Memleket basshysy vaktsinaǵa bailanysty úkimetti synǵa aldy.
"Úkimet "Spýtnik V" jáne otandyq vaktsina óndirisi týraly kelisim eldiń vaktsinatsiiaǵa degen muqtajyn tolyqtai óteidi dep sendirdi. Osy aqparat negizinde men 1 aqpannan bastap jappai vaktsinatsiia jariialadym. Eki aidan keiin halyqtyń 0,1 paiyzynan azy vaktsina saldyrdy! Endi men basqa memleketterdiń basshylarymen taǵy qosymsha vaktsina jetkizý týraly kelissóz júrgizýim kerek... Biz tez jetkizý úshin tiimsiz kommertsiialyq jáne qarjylyq jaǵdailarǵa kelisýge májbúrmiz", - dedi Toqaev koronavirýsqa qarsy is-qimyl jóninde keńeste.
Memleket basshysy vaktsinatsiia deńgeiiniń tómendigi abstraktili problema emes jáne bul eldiń ulttyq qaýipsizdigi ekenin aitty.
Sonymen qatar, Prezident densaýlyq saqtaý ministri Aleksei Tsoi men úkimetke eskertý jasady. Tsoiǵa jaǵdaidy retteý úshin bir ai ýaqyt berildi. Áitpese, kadrlyq aýys-túiis bolatynyn eskertti.
"Aleksei Vladimirovich, men sizge buǵan deiin osy kezeńde densaýlyq saqtaý ministri Úkimettegi basty tulǵa, sizdiń erekshe ókilettikterińiz baryn aitqanmyn. Siz jumysty jaqsy bastadyńyz, biraq sodan keiin ainalym aitarlyqtai tómendedi…
... Sáýirde jaǵdaidy ózgertýińiz kerek. Áitpese, sizdi kadrlyq aýysýlar qatty renjitedi. Bul tek densaýlyq saqtaý ministrine emes, jalpy Úkimetke qatysty", - dedi Toqaev.
Sonymen qatar Memleket basshysy azamattardy ekpe máselesine jaýapkershilikpen qarap, túrli qaýesetten aýlaq bolýǵa shaqyrdy. Sonymen qatar, turǵyndardyń indetke qarsy immýnitetin kóterý jumysy tiimdi aqparattyq túsindirý sharalarymen qatar júrýi kerek ekenin aitty. "Osy mańyzdy jumysqa kásibi mamandardy, jappai ekpe salýdy qoldaityn belsendi azamattardy tartqan jón" dedi.
"Bul baǵytta otandyq biznestiń ustanymy óte mańyzdy. Óitkeni, ujymdyq immýnitet qalyptaspai, sanitarlyq shekteýdi tolyǵymen alyp tastaý múmkin emes. Qyzmetkerlermen jáne olardyń otbasy múshelerimen túsindirý jumysyn júrgizý qajet", - dedi Toqaev.
"Reid kezindegi zańbuzýshylyqtardy habarlaityn koll-ortalyq jumys isteýi kerek"
Prezident monitoring toptarynyń jumysyn retteýdi tapsyrdy. Sebebi, onyń aitýynsha, olardyń jumysy ashyq emes, bir mekemeni teksere berse, ekinshisi múlde qaraýsyz qalady.
"Shekteýler men reidter aitarlyqtai nátije berip otyrǵan joq. Monitoring toptarynyń jumysy keide tańdamaly sipatqa ie, ashyq emes - keibir mekemeler únemi tekserilse, basqalary múldem tekserilmeidi.
Prokýratýra janynda koll-ortalyq jumys isteýi tiis, onda reidter kezindegi zańbuzýshylyqtarǵa shaǵymdarmen habarlasady. Úkimet janyndaǵy vedomstvoaralyq komissiia ákimdermen birlesip monitoring toptarynyń jumysyn retke keltirýi tiis", - dedi Memleket basshysy.
Keńeste shaǵyn jáne orta biznes úshin ne aityldy?
Prezident Qasym-Jomart Toqaev shaǵyn jáne orta biznes úshin nesie tólemin keiinge qaldyrýdy pysyqtaýdy tapsyrdy.
"Birinshi, qarjy naryǵyn retteý jáne damytý agenttigi men Ulttyq Bankke ekonomikanyń zardap shekken sektorlarynda, shaǵyn jáne orta biznes sýbektilerinde nesie boiynsha tólemderdi keiinge qaldyrýmúmkindigin pysyqtaýdy tapsyramyn.
Ekinshi, salyq jáne keden qaryzyn májbúrli óndirip alýdy toqtata turý. Bul sharalar jappai vaktsinatsiia bastalǵanǵa deiin jáne kóptegen shekteýdi alyp tastaǵanǵa deiin ýaqytsha áreket etýi kerek", - dedi Toqaev.
Toqaev Úkimettiń pandemiiamen bailanysty jaǵdaidy sáýirdegi jappai vaktsinatsiialaý arqyly jaqsartamyz degen senimin eskere otyryp, mamyrdan bastap shaǵyn jáne orta biznes sýbektileriniń, onyń ishinde qyzmet kórsetý salasyndaǵy shekteýlerdi birtindep alyp tastaýǵa múmkindik bolady degen úmit baryn aitty.
"SQ-Farmatsiianyń" jańa basshylyǵy qyzmetinen bosatylýy múmkin
Prezident Qasym-Jomart Toqaev "SQ-Farmatsiianyń" jańa basshylyǵyna múmkindikterin kórsetetin sát kelgenin aitty.
"Keibir óńirlerde jeke qorǵaný quraldarynyń tapshylyǵy nemese sapasynyń tómendigi baiqalyp júr. "SQ-Farmatsiia" basshylyǵyn aýystyrdyq. Dál qazir jańa basshylyqtyń basqarý múmkindikterin kórsetetin sát keldi. Olai bolmaǵan jaǵdaida - oryndy bosatý kerek", - delingen Prezidenttiń Twitter-de jariialaǵan dáieksózinde.
Shetelden anyqtamasyz kelgen jolaýshylar sany artty
Toqaev PTR-anyqtamasyz kelgen jolaýshylar boiynsha statistika keltirdi.
"Aqpannan bastap PTR-anyqtamasy joq aviajolaýshylar sany eki ese ósti. 2020 jyldyń qarashasynda QR-ǵa PTR-anyqtamasyz kelgen adamdardyń úlesi 7,3 paiyz bolsa, qazir ol 27 paiyz!
Salarynan, elde barlyq úsh mýtatsiialanǵan kontagioziiasy joǵary shtamm rastaldy. Infektsiianyń jalpy ósýi aýyr jáne óte aýyr jaǵdaidaǵy patsientterdiń kóbeiýimen, sondai-aq ólim jaǵdailarynyń ósýimen qatar júredi…", - dedi Memleket basshysy.
Reanimatsiia bólimshelerin jabdyqtaý boiynsha tapsyrma berildi.
"Sonymen qatar dárilik preparattardyń da, meditsinalyq buiymdardyń da, jabdyqtardyń da jetispeýshiligi tirkeldi. Ortasha alǵanda, reanimatsiia bólimsheleri talap etiletin standarttar boiynsha 64 paiyzǵa ǵana jabdyqtalǵan.
Úkimetke jáne óńirlerdiń ákimderine reanimatsiia bólimshelerin jaraqtandyrý jóninde sharalar qabyldaýdy jáne bas dárigerler men ákim orynbasarlarynyń derbes jaýapkershiligin bekitýdi tapsyramyn", - dedi ol.
Prezident óz sózin Táýelsizdigimizdiń 30 jyldyǵymen qorytyndylady. "Bul jyl pandemiiamen kúrestegi túbegeili betburystyń jáne koronavirýstan birjola arylýdyń jyly bolýǵa tiis dep sanaimyn", - dedi Qasym-Jomart Toqaev.
