QR Premer-Ministri Asqar Maminniń tóraǵalyǵymen ótken Úkimet otyrysynda 2020 jylǵy 10 shildede ótken Úkimettiń keńeitilgen otyrysynda QR Prezidenti Qasym-Jomart Toqaevtyń bergen tapsyrmalaryn iske asyrý sharalary qaraldy. Tsifrlandyrý salasyndaǵy aǵymdaǵy ahýal týraly tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev baiandady, dep habarlaidy "Ult aqparat" primeminister.kz saityna silteme jasap.
Onyń aitýynsha, Prezidenttiń onlain qyzmetterdi 90% deiin jetkizý týraly tapsyrmasyna sáikes Tsifrlyq damý, innovatsiialar jáne aeroǵarysh ónerkásibi ministrligi memlekettik organdarmen birlesip jumys júrgizdi, nátijesinde qyzmetterdiń 83,7% búginde onlain kórsetiledi.
2019 jyldyń qorytyndysy boiynsha tsifrlyq saýattylyq deńgeii 82,1% quraitynyn atap ótken jón. Pandemiia kezinde bul 22 mln-nan astam elektrondyq qyzmetti kórsetýge múmkindik bergen.
«BUU elektrondy úkimettiń damýy boiynsha jahandyq reitingin jariialady, onda Qazaqstan 10 pozitsiiaǵa, 29-shy orynǵa deiin kóterildi. Bul Úkimet, IT jáne bailanys salasy mamandary atqarǵan aýqymdy jumystardyń arqasynda múmkin boldy», — dedi A. Jumaǵaliev.
Ministrlik «Biznes úshin úkimetti» jobasy aiasynda integretsiialaý jumystaryn júrgizip jatyr.
«Qazirgi ýaqytta «Atameken» UKP Smart Bridge platformasy arqyly memlekettik organdardyń servisterine qosylýǵa 68 ótinim berdi. Memlekettik organdar tehnikalyq talaptardy ázirlep, tapsyrdy. «Atameken» UKP tarapynan servister ázirlenýde. Biz integratsiia jumystary boiynsha qajetti qoldaý kórsetýdi jalǵastyratyn bolamyz», — dedi vedomstvo basshysy.
Sonymen qatar «Tsifrlyq Qazaqstan» memlekettik baǵdarlamasyn qaita qaraý boiynsha jumystar júrgizildi. Baǵdarlamanyń jańa ózgeristeri boiynsha Tsifrlandyrý jónindegi komissiia otyrysynda baiandaldy. Ózgerister 10 tehnologiialyq platformany qurýdy, qazaqstandyq IT-sheshimderge kóshýdi jáne el ishinde derekterdi saqtaý men óńdeýdiń jańa múmkindikterin qoldanýdy qarastyrady.
«Qazirgi ýaqytta baǵdarlama memlekettik organdarmen kelisilý ústinde. Jaqyn arada Úkimettiń qaraýyna engiziledi», — dedi A. Jumaǵaliev.
Ministrdiń aitýynsha, qazirgi kezde elimizde 4 649 eldi meken internetpen qamtylǵan, bul halyqtyń 97% quraidy.
Aǵymdaǵy jyly 250-den astam turǵyny bar eldi mekenderge talshyqty-optikalyq jeliler, mobildi jáne radiotehnologiialar arqyly internetti jetkizý jobalaryn aiaqtaý josparlanǵan.
Joǵaryda kórsetilgen jobalardy iske asyrý nátijesinde Qazaqstan halqyn internetpen qamtý deńgeii 99,3% jetedi.
«Uialy bailanys operatorlarymen muǵalimder men oqýshylarǵa arnalǵan arnaiy tariftik jospar shyǵarý máselesi pysyqtaldy. Bul tariftik jospar muǵalim men oqýshy arasyndaǵy limitsiz qońyraýlardy, sondai-aq Bilim jáne ǵylym ministrligi belgilegen bilim resýrstaryna qoljetimdilikti qarastyrady», — dedi ministr.
Bul jumystardyń nátijesi qashyqtyqtan oqytýǵa kóshýge múmkindik beredi, sondai-aq elimizdiń shalǵai eldi mekenderinde elektrondyq memlekettik qyzmetterdi kórsetý múmkindigin qamtamasyz etedi. Jańa tehnikalyq múmkindikter qashyqtyqtan áleýmettik kómek alý kezinde de mańyzdy.
Memleket basshysynyń jer qatynastaryn tsifrlandyrý jónindegi tapsyrmasyna sáikes «Jyljymaityn múliktiń biryńǵai memlekettik kadastry» aqparattyq júiesin qurý jumystary aiaqtaldy.
Qazirgi tańda júie «Jer telimderin onlain berý» pilottyq jobasyn iske asyrýdyń negizgi bóligi bolyp tabylady. Búgingi kúni joba Aqtóbe qalasynda pilottyq rejimde jumys istei bastady. Sonymen qatar, jergilikti atqarýshy organdardyń geoportaldary 100% tehnikalyq turǵydan daiyn bolǵan jaǵdaida qalalar men óńirlerde pilottyq jobany bastaý josparlanǵan.
