foto:BBC
AQSh-qa jańa sailanǵan Tramptyń inaýgýratsiiasyna on kún qalǵanda oǵan sot úkim shyǵaratyn boldy. Bul týraly BBC habarlady, dep jazady Ult.kz.
Pornojuldyz Stormi Denielske «úndemeýi» úshin tólem jasaǵanyn jasyrǵany jáne jazbalardy burmalaý isi boiynsha Donald Trampqa qatysty úkimdi AQSh prezidentiniń inaýgýratsiiasyna on kún qalǵanda iaǵni 10 qańtarda jariialaitynyn málimdedi Niý-Iork shtatynyń sýdiasy Hýan Merchan.
Sýdia Trampty naqty túrme jazasyna kesý nieti joq ekenin aityp, sot úkimin jariialaý kezinde onyń jeke ózi nemese beinebailanys arqyly qatysýyna ruqsat berdi.
Buǵan deiin, 30 mamyrda, qazylar Trampty taǵylǵan 34 aiyp boiynsha kináli dep tapty. Degenmen, Tramp óziniń kinásiz ekenin málimdegen bolatyn.
Úkim jariialaý birneshe ret keiinge shegerilgen, al qarashadaǵy prezidenttik sailaýda Tramp jeńiske jetken soń onyń advokattary prezidenttik immýnitetke súiene otyryp isti jabýdy usynǵan.
Bul is — Trampqa qarsy túrli iýrisdiktsiialarda qozǵalǵan birneshe qylmystyq istiń ishinde úkim shyǵarýǵa deiin jetken jalǵyz is. Alaida, saiasatkerdiń Niý-Iork shtaty sottarynda apelliatsiialyq shaǵym túsirýge múmkindigi bar.
Al federaldyq deńgeidegi eki is Tramp prezident bolyp sailanǵan soń toqtatylǵan, sebebi AQSh Ádilet ministrligi prezidentke qylmystyq is qozǵaýdy konstitýtsiiaǵa qaishy dep sanaidy. Djordjiia shtatyndaǵy is prokýror Fani Ýillistiń diskvalifikatsiialanýyna bailanysty uzaq merzimge toqtatylǵan.
.jpg)