فوتو:BBC
اقش-قا جاڭا سايلانعان ترامپتىڭ يناۋگۋراتسيياسىنا ون كٷن قالعاندا وعان سوت ٷكٸم شىعاراتىن بولدى. بۇل تۋرالى BBC حابارلادى, دەپ جازادى Ult.kz.
پورنوجۇلدىز ستورمي دەنيەلسكە «ٷندەمەۋٸ» ٷشٸن تٶلەم جاساعانىن جاسىرعانى جەنە جازبالاردى بۇرمالاۋ ٸسٸ بويىنشا دونالد ترامپقا قاتىستى ٷكٸمدٸ اقش پرەزيدەنتٸنٸڭ يناۋگۋراتسيياسىنا ون كٷن قالعاندا ياعني 10 قاڭتاردا جارييالايتىنىن مەلٸمدەدٸ نيۋ-يورك شتاتىنىڭ سۋدياسى حۋان مەرچان.
سۋديا ترامپتى ناقتى تٷرمە جازاسىنا كەسۋ نيەتٸ جوق ەكەنٸن ايتىپ, سوت ٷكٸمٸن جارييالاۋ كەزٸندە ونىڭ جەكە ٶزٸ نەمەسە بەينەبايلانىس ارقىلى قاتىسۋىنا رۇقسات بەردٸ.
بۇعان دەيٸن, 30 مامىردا, قازىلار ترامپتى تاعىلعان 34 ايىپ بويىنشا كٸنەلٸ دەپ تاپتى. دەگەنمەن, ترامپ ٶزٸنٸڭ كٸنەسٸز ەكەنٸن مەلٸمدەگەن بولاتىن.
ٷكٸم جارييالاۋ بٸرنەشە رەت كەيٸنگە شەگەرٸلگەن, ال قاراشاداعى پرەزيدەنتتٸك سايلاۋدا ترامپ جەڭٸسكە جەتكەن سوڭ ونىڭ ادۆوكاتتارى پرەزيدەنتتٸك يممۋنيتەتكە سٷيەنە وتىرىپ ٸستٸ جابۋدى ۇسىنعان.
بۇل ٸس — ترامپقا قارسى تٷرلٸ يۋريسديكتسييالاردا قوزعالعان بٸرنەشە قىلمىستىق ٸستٸڭ ٸشٸندە ٷكٸم شىعارۋعا دەيٸن جەتكەن جالعىز ٸس. الايدا, ساياساتكەردٸڭ نيۋ-يورك شتاتى سوتتارىندا اپەللياتسييالىق شاعىم تٷسٸرۋگە مٷمكٸندٸگٸ بار.
ال فەدەرالدىق دەڭگەيدەگٸ ەكٸ ٸس ترامپ پرەزيدەنت بولىپ سايلانعان سوڭ توقتاتىلعان, سەبەبٸ اقش ەدٸلەت مينيسترلٸگٸ پرەزيدەنتكە قىلمىستىق ٸس قوزعاۋدى كونستيتۋتسيياعا قايشى دەپ سانايدى. دجوردجييا شتاتىنداعى ٸس پروكۋرور فاني ۋيلليستٸڭ ديسكۆاليفيكاتسييالانۋىنا بايلانىستى ۇزاق مەرزٸمگە توقتاتىلعان.
.jpg)
