Májilis pen máslihat depýtattaryn sailaý onlain rejimde ótpeidi. Bul týraly búgin QR Ortalyq sailaý komissiiasynyń tóraǵasy Berik Imashev málim etti, dep habarlaidy "Ult aqparat".
«Onlain daýys berýge qatysty áńgimeniń qaidan shyqqany belgisiz. Sailaý protsesi «Sailaý týraly» zańmen retteledi jáne zańnamamyzda onlain-daýys berý máselesi qarastyrylmaǵan. Bul sailaýdy da ádettegi júiemen, qaǵaz biýlletenmen ótkizemiz. Iaǵni, sailaýshylarymyz úshin bul turǵyda eshqandai jańashyldyq joq», - dedi Berik Imashev Ortalyq sailaý komssiiasynda ótken baspasóz máslihaty barysynda.
Aita keteiik, keshe QR Ortalyq sailaý komissiiasynyń hatshysy Sábila Mustafina 2021 jyldyń qańtarynda Májilis pen máslihattar sailaýyn ótkizýge shyǵystardyń boljamdy smetasy 15,3 mlrd teńgeni quraitynyn málim etken bolatyn. Al eger eki sailaý biriktirilmei, bólek ótkizilse, shyǵyn 25 mlrd teńgeni quraityn edi.
21 qazanda QR Prezidenti Qasym-Jomart Toqaev Parlamenti Májilisi depýtattarynyń kezekti sailaýyn taǵaiyndaý týraly Jarlyqqa qol qoidy.
Májilisi pen máslihattar sailaýy 2021 jyly 10 qańtarda ótedi. Búginde ádilet ministrliginde alty saiasi partiia tirkelgen. Olar:
- Nur Otan;
- "Aq jol" partiiasy;
- Qazaqstannyń halyqtyq kommýnister partiiasy;
- "Aýyl" halyqtyq-demokratiialyq partiiasy;
- "Birlik" partiiasy;
- Jalpyulttyq sotsial-demokratiialyq partiiasy.
Búginde parlament májilisinde úsh partiia - Nur Otan, Halyqtyq kommýnister men "Aq joldyń" ókilderi otyr.
