- Qazaqstan Premer-Ministriniń orynbasary, 28-shi Búkilálemdik qysqy Ýniversiada Uiymdastyrý komitetiniń tóraǵasy Imanǵali Tasmaǵambetov aldaǵy Halyqaralyq stýdenttik saiystardyń ótkizilýine Almaty qalasy men Almaty oblysyndaǵy nysandardyń ázirligin tekserdi. Bul týraly Ult.kz tilshisi QazAqparat agenttigine silteme jasai otyryp habarlaidy.
Búgin vitse-premer Ýniversiadanyń sporttyq nysandary men infraqurylym nysandaryn qarap shyqty, fýnktsionaldyq baǵyttardyń jumysymen egjei-tegjeili tanysty.
Kóshpeli keńes barysynda Imanǵali Tasmaǵambetov Almatydaǵy Medeý aýdanynda ornalasqan 3 myń oryndyq «Halyq Arena» sport keshenine, Ýniversiada ótetin Atletikalyq qalashyqqa, «Almaty Arena» muz aidyny saraiyna, «Suńqar» HShTK, «Medeý» muz aidynyna jáne «Shymbulaq» taý shańǵy kýrortyna bardy. Sonymen qatar, «Tabaǵan» sport-saýyqtyrý kesheni men «Alataý» shańǵy biatlon kesheniniń jańǵyrtylýy jáne daiyndyq barysymen tanysty, dep habarlaidy QR Úkimetiniń baspasóz qyzmetinen.
Alda ótetin Ýniversiada obektileriniń ázirligi týraly aita kele, vitse-premer sporttyq saiystarǵa obektilerdiń daiyndyq qarqynyna kóńili tolatyndyǵyn bildirdi jáne birqatar naqty tapsyrmalar berdi. Sondai-aq, Imanǵali Tasmaǵambetov mundai aýqymdy is-sharanyń ótkizilýi saiysty uiymdastyrý jáne barlyq múddeli qurylymdar men vedomstvolardyń jumysy turǵysynda egjei-tegjeili qaraýdy qajet etetinin atady.
Imanǵali Tasmaǵambetov is-sharany ótkizý jáne saiys qatysýshylaryn qabyldaý aiasynda qala infraqurylymynyń ázirligin qamtamasyz etý qajettigine, sondai-aq, Ýniversiada qonaqtarynyń qaýipsiz jáne jaily ornalasýyn qamtamasyz etý úshin barlyq jaǵdai jasaý qajettigine basa nazar aýdardy. Bul rette ol kólik-logistikalyq júieniń úzdiksiz jumysyn qamtamasyz etý óte mańyzdy ekenin kórsetti.
«Ýniversiadanyń bastalýyna az ǵana ýaqyt qaldy. Barlyq kezeńdegi jumys joǵary deńgeide júrip jatyr. Infraqurylym, qatysýshylardy jáne qonaqtardy qabyldaýǵa bailanysty uiymdastyrý máselelerine basa nazar aýdarý qajet. Sonymen qatar, qaýipsizdik, energetikalyq jetkiliktilik pen kólik júktemesin qosa eseptegende, halyqaralyq is-sharanyń kedergisiz ótýin qamtamasyz etýge qalalyq qyzmetterdiń tolyq ázir bolýy óte mańyzdy. Eń bastysy, Almatyǵa aǵylatyn qonaqtardyń kóptigin jáne sportshylardyń, jattyqtyrýshylar shtaby men tilshilerdiń saiys ótetin orynǵa jáne qonaqjailarǵa baryp-kelýin esepke alǵanda, bul azamattar úshin qolaisyzdyq týǵyzbaýy tiis», - dep atap ótti Imanǵali Tasmaǵambetov.
.jpeg)