Búgin Máskeýde Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi Imanǵali Tasmaǵambetov Reseidiń Qazaqstandaǵy Elshisi Aleksei Borodavkindi qabyldady, dep habarlaidy "Ult aqparat" QR Elshiliginiń baspasóz qyzmetine silteme jasap.
Kezdesý barysynda Qazaqstanda biyl ótkiziletin sharalar boiynsha eki jaqty yntymaqtastyqtyń mańyzdy baǵyttary talqylandy. Ol - Astana protsesine qatysýshy garant-memleketterdiń syrtqy ister ministrleriniń kezdesýinen keiin ótetin siriiaaralyq kelissózderdiń 9-shy raýndy. Sonymen qatar, Kaspii teńizine beriletin jańa quqyqtyq mártebe týraly konventsiia jobasy qaralatyn Kaspii teńizimen shektesetin memleketterdiń 5-shi sammiti.
Kaspii teńizine quqyqtyq mártebe berý máselesiniń mańyzdylyǵy KSRO taraǵannan keiin kóterilip keledi. Mártebesin anyqtaý ony teńiz nemese kól retinde bólinýine bailanysty bolyp otyr. Kaspiidiń ár bóligi halyqaralyq quqyq negizinde ártúrli tártipte baqylanady.
Sonymen qatar, taraptar altynshy ret ótkeli otyrǵan álemdik jáne dástúrli dinder liderleriniń sezi jáne Qazaqstan men Reseidiń HV óńiraralyq yntymaqtastyǵy forýmyn talqylady.
