Bes birdei sábidiń ólimi eseńgiretip tastady. Oiyma on shaqty jyl burynǵy úlken qasiret túsip otyr.
Astanalyq er azamat saparǵa ketip qalǵanynda búkil otbasyn - kelinshegin, úsh balasyn qanisherler óltirip ketken edi. Tanymaityn adamym. Sonda da bolsa meken-jaiyn taýyp alyp, kóńil aitýǵa bardym. Kisi qarasy kóp eken. Bir sát Imanǵali Tasmaǵambetov bastaǵan top keldi. Jigitke qazaq saltymen kóńil aitty. Aza tutqan azamatty Imanǵali Tasmaǵambetov te tanymaidy eken. Sonan soń janyndaǵy qyzmetkerlerine qaiǵy jutqan azamatty júgirtpei, jerleý rásimderin túgeldei uiymdastyrýdy tapsyrdy. Jurttyń kózinshe qalalyq IID bastyǵyna oqiǵanyń anyq-qanyǵyn jýrnalisterdi jinap, jasyrmai aityp berýdi mindettedi. Sol jerde bilgenimiz - kúdik osy úimen aralasyp júrgen káris jigitine túsipti.
Rasynda da, keshkisin IID jýrnalisterdiń basyn qosyp, káris jigitti qylmysty moiyndaǵynyn, janynda bir sheshen jigiti bolǵanyn, munyń Sheshenstanǵa qashyp úlgergenin habarlady.
Ádette shet elden qylmystyny qaitarý uzaqqa sozylatyn sharýa. Bul joly uzamai-aq sheshen jigitti Astanaǵa alyp kelgenin kórsetti. Tergeýmen shuǵyldanǵan inishekterdi tanýshy edim. Jai-japsaryn suradym. Eńbek Imanǵalidiki eken. Sheshen basshysy Ramzan Kadyrovqa Imekeńniń ózi tikelei shyǵyp, qylmyskerdi ustap berýdi talap etipti. Qashqynnyń kináli ekenine ózi kepil bolypty. Ramazan "Siz kýálikke júrseńiz, Siz ótinseńiz esh áńgime joq" dep tyǵylyp jatqan qanisherdi ustatyp, bizge tapsyrypty.
Astanadaǵy bes sábidiń qasireti osy oqiǵany eske túsirdi. Salystyryp otyrmyn. Kim, qandai, ózi?
Kamal Ábdirahmannyń feisbýktegi jazbasynan
