بەس بٸردەي سەبيدٸڭ ٶلٸمٸ ەسەڭگٸرەتٸپ تاستادى. ويىما ون شاقتى جىل بۇرىنعى ٷلكەن قاسٸرەت تٷسٸپ وتىر.
استانالىق ەر ازامات ساپارعا كەتٸپ قالعانىندا بٷكٸل وتباسىن - كەلٸنشەگٸن, ٷش بالاسىن قانٸشەرلەر ٶلتٸرٸپ كەتكەن ەدٸ. تانىمايتىن ادامىم. سوندا دا بولسا مەكەن-جايىن تاۋىپ الىپ, كٶڭٸل ايتۋعا باردىم. كٸسٸ قاراسى كٶپ ەكەن. بٸر سەت يمانعالي تاسماعامبەتوۆ باستاعان توپ كەلدٸ. جٸگٸتكە قازاق سالتىمەن كٶڭٸل ايتتى. ازا تۇتقان ازاماتتى يمانعالي تاسماعامبەتوۆ تە تانىمايدى ەكەن. سونان سوڭ جانىنداعى قىزمەتكەرلەرٸنە قايعى جۇتقان ازاماتتى جٷگٸرتپەي, جەرلەۋ رەسٸمدەرٸن تٷگەلدەي ۇيىمداستىرۋدى تاپسىردى. جۇرتتىڭ كٶزٸنشە قالالىق ٸٸد باستىعىنا وقيعانىڭ انىق-قانىعىن جۋرناليستەردٸ جيناپ, جاسىرماي ايتىپ بەرۋدٸ مٸندەتتەدٸ. سول جەردە بٸلگەنٸمٸز - كٷدٸك وسى ٷيمەن ارالاسىپ جٷرگەن كەرٸس جٸگٸتٸنە تٷسٸپتٸ.
راسىندا دا, كەشكٸسٸن ٸٸد جۋرناليستەردٸڭ باسىن قوسىپ, كەرٸس جٸگٸتتٸ قىلمىستى مويىنداعىنىن, جانىندا بٸر شەشەن جٸگٸتٸ بولعانىن, مۇنىڭ شەشەنستانعا قاشىپ ٷلگەرگەنٸن حابارلادى.
ەدەتتە شەت ەلدەن قىلمىستىنى قايتارۋ ۇزاققا سوزىلاتىن شارۋا. بۇل جولى ۇزاماي-اق شەشەن جٸگٸتتٸ استاناعا الىپ كەلگەنٸن كٶرسەتتٸ. تەرگەۋمەن شۇعىلدانعان ٸنٸشەكتەردٸ تانۋشى ەدٸم. جاي-جاپسارىن سۇرادىم. ەڭبەك يمانعاليدٸكٸ ەكەن. شەشەن باسشىسى رامزان كادىروۆقا يمەكەڭنٸڭ ٶزٸ تٸكەلەي شىعىپ, قىلمىسكەردٸ ۇستاپ بەرۋدٸ تالاپ ەتٸپتٸ. قاشقىننىڭ كٸنەلٸ ەكەنٸنە ٶزٸ كەپٸل بولىپتى. رامازان "سٸز كۋەلٸككە جٷرسەڭٸز, سٸز ٶتٸنسەڭٸز ەش ەڭگٸمە جوق" دەپ تىعىلىپ جاتقان قانٸشەردٸ ۇستاتىپ, بٸزگە تاپسىرىپتى.
استاناداعى بەس سەبيدٸڭ قاسٸرەتٸ وسى وقيعانى ەسكە تٷسٸردٸ. سالىستىرىپ وتىرمىن. كٸم, قانداي, ٶزٸ?
كامال ەبدٸراحماننىڭ فەيسبۋكتەگٸ جازباسىنان
