Grammy syilyǵynyń iegeri didjei Imanbek Zeikenov Strategiialyq bastamalar forýmynda (CSI Forum) qazaqstandyq jastardyń damýy týraly aitty, - dep habarlaidy Tengrinews.kz agenttigi.
16 qarashada Astanada Strategiialyq bastamalar forýmy bastaldy, onda joǵary laýazymdy tulǵalar, belgili biznesmender men álemdik sarapshylar eldiń damýy máselelerin talqylaidy. Is-sharanyń ashylýynda Imanbek Zeikenov Qazaqstannyń bolashaǵy beinesin qalai kóretini týraly óz pikirin bólisken beinerolik usynyldy.
"Men álemniń ártúrli elderinde turamyn jáne jumys isteimin. Qonaqta bolǵan jaqsy, biraq úide jaqsyraq. Qazaqstanǵa, týǵan jerge oralǵan kezde men únemi ózgeristerdi baiqaimyn jáne bul shynymen qýantady. Meniń oiymsha, Qazaqstannyń atyshýly bolýy kerek, jaqsy maǵynasynda, bizdiń elimiz búkil álemge tanymal jáne syily bolýy kerek. Qazaqstandy bitimger el retinde aitýy úshin. Jeti jylda el qalai ózgerýi kerek? Men múmkindikter berý kerek dep oilaimyn", - deidi Imanbek.
Sondai-aq, ol aǵa býyn jastar úshin ne isteý kerek degen saýalǵa da jaýap berdi.
"Jastarǵa qysym jasamańyzdar, qalamaǵanyn jasaýǵa májbúrlemeńizder. Jastar mádeniet pen ǵylymda biraz jetistikterge jetsin deseńizder, olarǵa kedergi jasamańyzdar. Moral oqý men nusqaýlar olardy tek titirkendiredi. Al keńes kerek bolsa, ózderi kelip, aqyl suraidy", - dedi Imanbek.
