Qazaqstandyq aýyr atlet Ilia Ilin Qytaidyń Ninbo qalasynda ótip jatqan aýyr atletikadan Aziia chempionatynda besinshi oryndy qanaǵat tutty, dep habarlaidy "Ult aqparat".
Ilia Ilin 96 keli salmaqta synǵa tústi. Ol qossaiystyń qorytyndysymen 345 kelini baǵyndyrdy. Nátijesinde Ilia bul kórsetkishimen besinshi orynnan árige asa alǵan joq.
Bul salmaqta altyndy Qytai sportshysy Tao Tian (401 kg), kúmisti Iran atleti Seiedaiob Mýsavijarahi (373 kg), qolany ońtústik koreialyq Chjýn Hýn Han (366 kg) ielendi.
Aziia chempionatynda budan buryn jigitter arasynda úsh qazaqstandyq sportshy saiysqa tústi. Olardyń arasynan Arli Chontei (55 keli) men Denis Ýlanov (81 keli) qola júldege qol sozdy. Al Farhad Harki (67 keli) alǵashqy ondyqty qorytyndylady. 2016 jylǵy Olimpiada chempiony Nijat Rahimov alǵan jaraqatyna bailanysty jarysqa shyqpady.
Ázirge qyzdar arasynda júldege eshkim ilikken joq. Zýlfiia Chinshanlo (55 keli) tórtinshi oryndy qanaǵat tutsa, Karina Goricheva (64 keli) besinshi oryn aldy.
Ninbodaǵy jarys - Ilinniń doping doping daýyna keiingi alǵashqy jarysy. Ol Pekin jáne London olimpiadalarynda doping qoldandy dep aiyptalyp, eki jylǵa sporttan shettetilgen. Sportshylardyń jaza ýaqyty 2018 jyly jazda aiaqtalǵan. Ilin byltyr qarashada Ashǵabatta ótken álem chempionatyna, jeltoqsanda Dohada ótken halyqaralyq týrnirge qatysýy tiis bolǵan. Biraq sportshy jaraqatyna bailanysty eki jarysqa da qatyspady.
