Sársenbi kúni Tehas shtatynyń Boka-Chika aimaǵyndaǵy iske qosý kesheninde SpaceX kompaniiasyna tiesili Starship Mk1 ǵarysh kemesiniń birinshi portotipi synaqtan ótý barysynda jaryldy, dep habarlaidy CBSNews agenttigi.
Metan men ottegige arnalǵan tsisternalar kriogendik suiyqpen toltyrylǵan kezde kemeniń joǵarǵy bóligi jarylyp ketken.
SpaceX kompaniiasy málimdemesinde synaqtyń maqsaty keme júielerindegi qysymdy barynsha arttyrý ekenin jáne onyń nátijesi oidaǵydai bolmaǵanyn atap ótti.
«Qyzmetkerlerdiń eshqaisysy zardap shekken joq, al bul oqiǵa jumysty odan ári toqtatpaidy», - delingen málimdemede.
Sondai-aq kompaniia kemeniń búlingen prototipin jóndemei, birden Mk3 tájiribeli nusqasyn qurýǵa kirisetinin jetkizdi.
SpaceX kompaniiasynyń negizin qalaýshy Ilon Mask Tehas shtatynda 28 qyrkúiekte Starship kemesi prototipiniń tusaýkeserin ótkizip, alǵashqy orbitalyq ushý aldaǵy ailarǵa josparlanǵanyn málimdegen bolatyn. Ǵarysh kemesin jasaýshylardyń oiynsha, Starship jolaýshylar men júkterdi Jer orbitasyna, Aiǵa jáne eń sońynda Marsqa jetkizedi.
