Twitter áleýmettik jelisiniń jańa iesi, milliarder Ilon Mask kompaniiada jumysshylardy jappai qysqartý bastalǵanyn habarlady, - dep jazady Massaget.kz portaly Daily Mail basylymyna silteme jasap.
Twitter kompaniiasynyń basshylyǵy qyzmetkerlerge qysqartý bolatyny týraly resmi habarlamamen elektron hattar jibergen. Sheteldik BAQ silteme jasaǵan habarlama mátinine sáikes, AQSh-ta jumysshylardy qysqartý 4 qarashada jergilikti ýaqyt boiynsha jumys kúniniń basynda bastalǵan.
Qyzmetkerler Twitter-de jumys isteýdi jalǵastyra ma, joq pa kórsetilgen elektron hattar alǵan. Sonymen qatar, olardan keńselerge kelmeý suralǵan, óitkeni olar ýaqytsha jabylady, al jumys talondary ýaqytsha toqtatylǵan. Hatty oqymai keńsege kelgender qaitarylady, kompaniia demalys jariialaǵan.
"Bul Twitter-ge qundy úles qosqan birqatar adamǵa áser etetinin túsinemiz, biraq, ókinishke qarai, bul áreket kompaniianyń bolashaqtaǵy tabysyn qamtamasyz etý úshin qajet", - delingen elektron poshtaǵa kelgen hattarda.
Sonymen qatar, qyzmetkerlerge áleýmettik jelide nemese baspasózde "kompaniia týraly qupiia aqparatty" jariialamaý eskertilgen.
