Beisenbi kúni AQSh-taǵy qor saýda-sattyǵynyń qorytyndylary boiynsha amerikalyq kásipker Ilon Mask ózine tiesili Tesla kompaniiasynyń aktsiialary 5%-ǵa tómendegendikten, jiyntyq quny 6,2 mlrd dollar aktivinen aiyryldy, dep habarlaidy Forbes jýrnaly.
Basylymnyń málimetinshe, kásipkerdiń jaǵdaiy $150,9 mlrd-qa deiin tómendegen, saýda sessiiasynyń qorytyndysy boiynsha Tesla aktsiialary $32,25 (4,94%), $620 deiin arzandaǵan.
Forbes quraǵan álemdegi eń bai adamdardyń reitinginde Mask úshinshi orynda. Bul kórsetkish amerikalyq Amazon korporatsiiasynyń basshysy (Djeff Bezos ($175,4 mlrd) jáne frantsýzdyq LouisVuitton Moet Hennessy kompaniialar tobynyń bas direktory Bernar Arnodannan ($155,6 mlrd) tómen.
Bloomberg agenttigi Mask aktivteriniń jalpy qunyn 160 milliard dollardan astamǵa baǵalaidy. Agenttik qurǵan álemdegi eń bai adamdardyń tiziminde Mask ekinshi orynda. Qazir odan tek Bezos alda tur.
