Ázerbaijan prezidenti Ilham Áliev Qazaqstannyń memleket basshysy Nursultan Nazarbaevpen dostyq qarym-qatynasy týraly aityp berdi. Ázerbaijan memleket basshysy Qazaqstan prezidenti teleradio kesheniniń ókiline suhbat bergen.
"Nursultan Ábishulymen áńgime-dúken qurǵandy jaqsy kóremin, ol kisige degen syi-qurmetim qashan da zor. Ol kisi — bizdiń aqsaqalymyz, ákem Geidar Álievpen kezdesýleri áli esimde. Dostyq qarym-qatynastary berik bolatyn. Álbette, munyń bári qalyptasyp, dástúrge ainalyp ketken, ári qarai jalǵasyn taýyp jatqanyna rizamyn", — dedi Ilham Áliev tilshi suraqtarynyń birine jaýap berip.
Sonymen birge, ol Qazaqstan prezidentimen resmi emes qarym-qatynasy týraly aityp berdi.
"Adami turǵydan alǵanda Nursultan Ábishulymen sóilesken bir ǵanibet. Sońǵy ret Bakýdegi resmi sharalar aiasynda da, resmi emes keshki as ústinde de kádimgi bir otbasynyń múshelerindei bas qostyq", — deidi Áliev.
Ilham Áliev 11 sáýirde Ázerbaijannyń kezekten tys prezident sailaýynda jeńiske jetti. Oǵan sailaýshylardyń 86,03%-y daýys bergen.
