Belgili kompozitor, óner zertteýshisi Qazaqstan men Qyrǵyzstannyń eńbek sińirgen qairatkeri, «Otan» ordeniniń iegeri Iliia Jaqanov búgingi sailaýdyń burynǵydan ózgeshe birneshe sebebin aityp berdi, dep habarlaidy QazAqparat.
«Qazaqta «Yrys aldy – yntymaq» degen bar. Álemde yntymaǵy setinegen, birligine syna qaǵylǵan el az ba? Sondai elderdiń halqy jahan jurtyna alaqanyn jaiyp, pana bolar el izdep, bosyp júr. Osy turǵydan aitqanda, ulan-ǵaiyr dalamyzdy meken etken halqymyzdyń yntymaǵy artyp, birligi bekemdelip keledi. Búgingi sailaýda sol yntymaq pen birliktiń shynaiy kórinisi saltanat qurǵanyn anyq baiqadyq» - deidi kompozitor Iliia Jaqanov.
Onyń aitýynsha, buǵan deiin talai sailaýǵa qatysqan. Alaida, bul jolǵy sailaýdyń jóni tipten bólek.
«Birinshiden, árine kezekten tys emes, zań talabyna sai ótip jatyr. Ekinshiden, el táýelsizdiginiń 30 jyldyq mereitoiy qarsańynda ótýimen erekshelenip otyr. Ras, osy kezeńde elimizdiń saiasi arenadaǵy ustanymy, áleýmettik-ekonomikalyq baǵdary aiqyndaldy. Ekonomikany eńselendirý maqsatynda jańashyl reformalar qolǵa alyndy. Jasampaz ister atqaryldy. Jetistigimiz az bolǵan joq.
Úshinshiden, bul sailaýda dodaǵa túsken saiasi partiialardyń sailaýaldy baǵdarlamasy jańardy. Tipti keibiriniń ataýy ózgerdi. Saiasi partiialar arasynda saiasi, ári ádil básekelestik qalyptasty. Ony ár partiianyń ókilderine elektoratpen kezdesýge shekteý jasalmaǵanynan baiqaimyz.
Tórtinshiden, alǵash ret parlamenttik sailaýda áielder men jastar úshin 30 paiyzdyq kvota qarastyryldy. Osynyń ózi eldiń taǵdyryna áser etetin zań shyǵarýshylardyń qatary jańa saiasatkerlermen, jańa býynmen tolyǵatynyn baiqatyp otyr.
Besinshiden, Parlament Májilisi men máslihat depýtattarynyń sailaýy birinshi ret birge ótti. Demek, bul – osy sailaýdyń burynǵydan ózgeshe ekeniniń taǵy bir kórinisi» degen oiymen bólisti Iliia Jaqanov.
Kompozitor osynyń bárin saralai kele, eldiń bolashaǵy búgingiden de jarqyn bolaryna senimim mol ekenin.
Óitkeni budan bylai eldiń keleshegine alańdaityn, sapaly zań shyǵarýǵa yqpal etetin otanshyl azamattar Parlament Májilisi men ár deńgeidegi máslihattardyń depýtaty bolary anyq.
.jpeg)