Memlekettik tabiǵi rezervatqa tórtinshi ret buqar buǵylary jiberildi. Bul joly Qarasheńgel ańshylyq sharýashylyǵynan «Ile-Balqashqa» 61 buǵy ákelindi, dep habarlaidy QazAqparat.
«Buqar buǵysynyń Ońtústik Balqash mańyna oralýy – jolbarysty jersindirý baǵdarlamasynyń mańyzy kezeńi. Osydan 4 jyl buryn rezervat aýmaǵyna 5 buǵy jiberilgen bolatyn. Búginde olardyń sany 150-ge jetti», - deidi QR Ekologiia, geologiia jáne tabiǵi resýrstar vitse-ministri Áliia Shalabekova.
Buqar buǵylarynyń Balqash aýdanyna oralýy, jolbarysty Qazaqstanǵa jersindirý baǵdarlamasy aiasynda iske asyrylyp jatyr. Bul jobany ministrliktiń Orman sharýashylyǵy jáne janýarlar dúniesi komiteti Dúniejizilik jabaiy tabiǵat qorymen (WWF) birlesip, BUUDB qoldaýymen júzege asyryp keledi.
«Ile-Balqash» tabiǵi rezervatyna buǵylar jiberý jyl saiynǵy dástúrge ainaldy. Bul osymen tórtinshi ret júzege asyrylyp jatsa da, biz Ońtústik Balqash óńiri úshin ǵana emes, búkil Qazaqstannyń jabaiy tabiǵaty úshin de biregei oqiǵany asyǵa kútemiz», - dedi Dúniejizilik jabaiy tabiǵat qory (WWF) Ortalyq Aziia baǵdarlamalar direktory Grigorii Mazmaniants.
Janýarlardyń erkindiktegi qozǵalysyn baqylaý maqsatynda, olardyń jiberilgen aýmaǵyna 6 fototuzaq ornatyldy. Sondai-aq, úsh buǵyǵa GPS ornatylǵan qarǵybaý taǵyldy. Bul qurylǵynyń janýarlarǵa esh ziiany joq.
Aia ketsek, buqar buǵysy Almaty oblysy Balqash aýdanynda kóp bolǵan. Alaida, HH ǵasyrdyń basynda joiylyp ketti. Qazaqstannyń ǵana emes, halyqaralyq Qyzyl kitapqa da engizildi. BUU Konventsiiasy aiasynda qorǵalady. Búginde onyń álemdegi popýliatsiiasy 4 myńnan asady.
