Ilbis joiylyp ketý qaýpi aldynda tur. 2040 jyly ilbisterdiń popýliatsiiasy taǵy 10%-ǵa qysqarady, dep habarlaidy BUU.
BUU deregi boiynsha, álemde 4000-7500 ilbis qalǵan. Olarǵa «miftik janýar» degen ataý da berilgen, sebebi olar adamnyń kózine sirek túsedi.
Halyqaralyq tabiǵatty qorǵaý odaǵy atap ótkendei, brakonerlikten basqa basty qaýipterdiń biri – sharýashylyq qyzmetti keńeitip, adamdardyń barys mekendeitin aýmaqqa ótýi. Óitkeni, bul janýarlar ári qarai ormanǵa jyljidy, al ilbistiń sany azaiyp barady.
Taǵy bir faktor – klimattyń ózgerýi. Sonyń saldarynan ekojúie ózgeriske ushyryp, adamnyń da, ilbistiń de ómirine yqpal etýde.
Tájikstan men Qyrǵyzstanda BUU qorshaǵan ortany qorǵaý baǵdarlamasy boiynsha «Joiylyp bara jatqan qazyna» jobasy júzege asyrylyp jatyr. Qyrǵyzstanda ilbister sany — 500. 2013 jyly ilbisti saqtaý boiynsha jahandyq strategiia qabyldandy. Qazaqstan bul jobaǵa byltyr qosyldy.
«Ilbis mekendeitin elderdiń jergilikti qoǵamdastyǵyn osy máseleni sheshýge tartýdyń mańyzy zor. Adamdardyń áreketin ózgertip, jergilikti turǵyndardy jumyldyrý qajet. Iá, ilbisterdi óz kózimen kórgender sany az. Degenmen, olar ómir súrip jatyr jáne biz olardy qutqarýymyz kerek!», - dep habarlady BUU Bas hatshylyǵynyń kómekshisi Djihan Sýltanoglý.
Aita keteiik, Qazaqstanda ilbistiń sany 130-150 dep baǵalanyp otyr. Ol Tian-Shan, Jetisý Alataýy, Tarbaǵatai, Altai taýlaryn mekendeidi.
