QR Aqparat jáne qoǵamdyq damý ministri Aida Balaeva IX Azamattyq forýmnyń erekshelikteri men jańashyldyqtaryn atady, dep habarlaidy QazAqparat.
«Apta basynan jalǵasqan IH Azamattyq forýmnyń jumysy búgin óz máresine jetip otyr. Biylǵy Azamattyq forým erekshe jaǵdaida ótti. Degenmen de bul forým jumysyna degen qoǵamnyń qyzyǵýshylyǵyn azaitqan joq. Kerisinshe, forým aiasynda ótkizilgen dialog alańdary internet keńistiginde úlken aýditoriiany qamtydy. Bir apta boiy tańerteńgi 7-den túngi 12-ge deiin internet platformalar jumys istedi. Osy sátti paidalana otyryp aldymen elimizdegi úkimettik emes uiymdardyń ókilderin bir arnaǵa jiyp, forým jumysyn joǵary deńgeide uiymdastyrǵan Qazaqstannyń Azamattyq aliansyna, forým jumysyna belsendi qatysqan barlyq qoǵamdyq uiymdarǵa, qajetti aqparatty der kezinde taratqan BAQ-qa zor rizashylyǵymdy bildirgim keledi», - dedi Aida Balaeva «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forýmnyń jalpy otyrysynda.
Osy oraida ol onlain format bul forýmnyń jalǵyz ereksheligi emes ekendigin, onyń mazmundyq jáne uiymdastyrýshylyq jaǵyna qatysty birqatar jańashyldyq engizilgenin aitty.
«Birinshiden, bul forýmǵa óńirlik ÚEU-ler keńinen qatysýǵa múmkindik aldy. Kásibi ÚEU-lar tek iri qalalarda ǵana emes, barlyq óńirde, onyń ishinde shalǵai aýdandarda belsendiligin kórsetti. Ekinshiden, forýmdy uiymdastyrýǵa ÚEU-lardyń ózderi tikelei qatysty. Máselen, biyl barlyq suhbat alańdary, dóńgelek ústel, pikirtalastar men treningterdiń taqyrybyn da, mazmunyn da kásibi qoǵamdyq uiym jetekshileri qamtamasyz etti. Úshinshiden, ortalyq jáne jergilikti memlekettik organdardyń basshylary keńinen qatysyp qana qoimai, naqty áriptestikke daiyn ekendigin shynaiy kórsete bildi», - dedi ol.
Ministr bul atqarylǵan isterdiń barlyǵy elimizde buǵan deiin turaqty ótkizilip kele jatqan Azamattyq forým alańdarynan bastaý alǵanyn basa aitty.
«Onyń búgingi nátijesi - qoǵamnyń nazarynda, esebi - halyqtyń kóz aldynda. Forým barsynda túrli deńgeide 40-qa jýyq dialog alańy uiymdastyryldy. Ortalyq memleketitk organdardyń birinshi basshylary deńgeiinde 12 kezdesý ótkizildi. Forým qorytyndysy boiynsha 650-den astam naqty usynystar tústi. Bul oraida bily IH Azamattyq forým jumysy da jemisti boldy dep aitýǵa negiz bar», - dedi Aida Balaeva.
